भारतमा ६३ दिनपछि सबैभन्दा कम कोरोना संक्रमित, १ लाख तल झर्‍यो संख्या

हेल्थपोस्ट नेपाल

भारतमा पछिल्लो केहीदिनयता दैनिक कोरोना संक्रमणदर घट्न थालेको छ। लगातार घटिरहेको संक्रमण ६३ दिनपछि एकलाखभन्दा तल झरेको छ।

आज बिहान पछिल्लो २४ घण्टाको दैनिक संक्रमण ५ अप्रिलपछि सबैभन्दा कम देखिएको हो।

भारतमा पछिल्लो २४ घण्टामा ८६ हजार ४९८ नयाँ संक्रमित फेला परेका छन्। गत ५ अप्रिलमा यो संख्या ९६ हजार ५५७ रहेको थियो।

भारतमा संक्रमितको संख्यामात्रै होइन मृततको संख्यामा पनि कमी आइरहेको छ। पछिल्लो २४ घण्टामा २ हजार १२३ संक्रमितको मृत्यु भएको छ।

यससँगै भारतमा कुल संक्रमितको संख्या २ करोड ८९ लाख ९६ हजार ४७३ पुगेको छ भने मृतकको संख्या ३ लाख ५१ हजार ३०९ पुगेको छ। संक्रमणमुक्त हुनेको संख्या २ करोड ७३ लाख ४१ हजार ४६२ रहेको छ। हाल भारतमा १३ लाख ३ हजार ७०२ सक्रिय संक्रमित रहेका त्यहाँको स्वास्थ्य मन्त्रालयले जानकारी दिएको छ।



Leave a Reply

Your email address will not be published. Required fields are marked *