भारतमा दुई महिनायताकै न्यून संक्रमण

भारतमा पछिल्लो दुई महिनायताकै सबैभन्दा कम कोरोना संक्रमित पछिल्लो २४ घण्टामा थपिएका छन्। भारतको केन्द्रीय स्वास्थ्य मन्त्रालयले आज बिहान दिएको जानकारीअनुसार पछिल्लो २४ घण्टामा १ लाख १४ हजार ४६० नयाँ संक्रमित थपिएका छन्।

नयाँ थपिएका संक्रमितसँगै भारतमा कुल संक्रमितको संख्या २ करोड ८८ लाख ९ हजार ३३९ पुगेको छ। पछिल्लो २४ घण्टामा १ लाख ८९ हजार २३२ जना संक्रमणमुक्त भएका छन्। निको हुनेको हालसम्मको संख्या २ करोड ६९ लाख ८४ हजार ७८१ पुगेको छ।

यस्तै पछिल्लो २४ घण्टामा २ हजार ६७७ संक्रमितले ज्यान गुमाएका छन्। संक्रमणकै कारण ज्यान गुमाउनेको संख्या ३ लाख ४६ हजार ७५९ पुगेको छ।

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय