काठमाडौंमा पनि भेटिए ‘कालो ढुसी’का संक्रमित, यस्ता छन् बच्ने १० उपाय

नेपालका विभिन्न स्थानमा कोभिड–१९ निको भएका बिरामीहरुमा कालो ढुसीको संक्रमण देखा पर्दै गएको छ ।

आँखा बिगार्ने यो निकै भयानक संक्रमण हो।

स्वास्थ्य तथा जनसंख्या मन्त्रालयका प्रवक्ता डा. कृष्ण पौडेलले वीरगञ्जबाट देखिन थालेको यो संक्रमण बाँके, काठमाडौं लगायतका शहरमा देखिएको पाइएको बताए।

‘केही हप्ता अघि वीरगञ्जतिर केसहरू देखिएका थिए,’ डा. पौडेलले भने, ‘ यस्ता समस्याहरू अहिले काठमाडौं उपत्यकामा पनि देखिन थालेको छ।’

वीरगञ्जमा वैशाखको तेस्रो साता ६७ वर्षीय एक पुरुषमा कालो ढुसीको संक्रमण देखिएको थियो।

मन्त्रालयको तथ्यांक अनुसार अहिले सो संक्रमण १०–१२ जनामा पुष्टि भइसकेको छ।

डा. पौडेलका अनुसार काठमाडौं उपत्यकामा कालो ढुसीको संक्रमण भएका बिरामीको त्रिवि शिक्षण अस्पतालमा तीन जना, वीर अस्पतालमा दुई जना र नर्भिक अस्पतालमा एकजनामा उपचार भइरहको छ।

पछिल्लो समय हप्तामा कालो ढुसीका केस बढिरहेका छन्। यस्ता बिरामीको तथ्यांक एकिन गर्ने काम भइरहेको डा. पौडेलले जानकारी दिए।

‘कोभिड सञ्चो भएका व्यक्तिहरुमा रोग प्रतिरोधात्मक क्षमता कमजोर हुने भएकाले कालो ढुसीको संक्रमण देखिन्छ,’ डा. पौडेलले हेल्थपोस्टसँग भने, ‘ यो संक्रमण विरलै देखिन्छ तर , संक्रमण गम्भीर भए प्राणघातक पनि हुनसक्छ।’

स्टेरोइड तथा एन्टिबायोटिक औषधि सेवन गरेका गम्भीर प्रकृतिका कोभिडका बिरामीहरु संक्रमणमुक्त भएपछि कालो ढुसीको संक्रमण देखा पर्ने सम्भावना रहेको उनले बताए ।

विशेष गरी मधुमेह, क्यान्सर, किड्नी, स्टेरोइड एवं एन्टिबायोटिक औषधि बढी प्रयोग गर्ने बिरामीसँग रोगसँग लड्ने प्रतिरोधात्मक क्षमता कम हुन्छ ।

यस्ता व्यक्तिहरूमा ‘अपरट्यूनिस्कि इन्फेक्सन’ हुन जान्छ ।

जसले गर्दा त्यस्ता व्यक्तिहरूमा आँखा सुनिने, दुख्ने, धमिलो देख्ने, आँखाबाट रगत जस्तो तरल पदार्थ बग्ने, एक्कासी सुगर बढ्ने, सास फेर्न असहज हुने लगायतका लक्षणहरू देखा पर्छन्।

कालो ढुसीका सामान्य प्रारभ्मिक लक्षणहरू

१.अनुहार मुख नाक, आँखा वरिपरि दुख्ने

२.आँखा र नाक सुन्निने रातो हुने वा दुख्ने

३. नाकबाट रगत बग्ने, बाक्लो सिंगान आउने

४. ज्वरो आउने

५. आँखाको ढकनी सुनिने र ढकनी झुक्ने, आँखाले घमिलो देख्ने

६.दाँत दुख्ने वा हल्लिने

जोखिम क–कसलाई हुन्छ?

१.४५ देखि ६५ उमेर समूह

२.डाइबेटिक वा शरीरको रोग प्रतिरोधात्मक क्षमता कमजोर भएकाहरू

३. धेरै खाले एन्टीबायोटिक वा स्टेरोइड औषधि लामो समयसम्म प्रयोग गर्नेहरू

रोकथामका उपायहरू

१. सफा र सुख्खा मास्क प्रर्योग गर्ने, डिस्पोजेबल मास्कको पुनः प्रयोग नगर्ने

२. नियमित रूपमा हात धुने वा स्यानिटाइजर प्रयोग गर्ने

३. व्यक्तिगत स्वच्छतामा ध्यान दिने

४. घर बाहिर वा फोहरमा काम गर्नु परे डिस्पोजेबल पञ्जाको प्रयोग गर्ने

५. धेरै धुलो भएको र ओसिलो ठाउँमा नजाने

६. नुनिलो पानीले नाक सफा गर्ने

७. पोभिडोन आयोडिन भएको तरल पदार्थले घाँटी र मुख कुल्ला गर्ने

८. जथाभावी स्टेरोइड र एन्टिबायोटिक प्रयोग नगर्ने

९. सुगर भएका बिरामीले सुगर नियन्त्रणमा राख्ने

१०. स्वास्थ्यकर्मीको सल्लाहमा मात्रै औषधि प्रयोग गर्ने

 

One thought on “काठमाडौंमा पनि भेटिए ‘कालो ढुसी’का संक्रमित, यस्ता छन् बच्ने १० उपाय

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय