हेल्थपोस्ट नेपाल 
प्युठानमा आमाले दुई सन्तानसहित झुण्डिएर आत्महत्या गरेकी छिन्।
प्युठान नगरपालिका–१ रातोमाटे सामुदायिक जंगलको एउटै रुखमा झुन्डिएको अवस्थामा उनीहरुको शव फेला परेको हो।
प्युठान नगरपालिका–२ घर भएकी अन्दाजी २६ वर्षीया गायत्री सुनार, उनकी ६ वर्षीया छोरी प्रकृति सुनार र एक वर्षका छोरा सुशान्त सुनार झुन्डिएको अवस्थामा फेला परेका जिल्ला प्रहरी कार्यालयका प्रवक्ता इन्सपेक्टर देवीप्रसाद गैरेले आयोमेललाई जानकारी दिए।
गायत्री घरबाट दिउँसो १ बजे माइती जान्छु भनेर हिँडेकी गैरेले जानकारी दिए।
उनका श्रीमान रोजगारीको सिलसिलामा भारत रहेका छन्।
मृतकहरुको शव पोष्टमार्टमका लागि जिल्ला अस्पताल पठाइएको र घटनाबारे अनुसन्धान भइरहेको उनले बताए।
आत्महत्या किन गरेको अझै खुल्न नसकेको उनले जानकारी दिए।
