कोरोना संक्रिमतलाई ‘ब्ल्याक फङ्गस’ संक्रमणको जोखिम बढी : चिकित्सक

हेल्थपोस्ट नेपाल

 

कोभिड उपचारको ६ हप्ता भित्रका बिरामीहरूलाई ‘ब्ल्याक फङ्गस’ को उच्च जोखिम हुने अल इन्डिया मेडिकल इन्स्टिच्युट (एम्स) का वरिष्ठ नशारोग विशेषज्ञले बताएका छन्।

एम्समा न्यूरोसर्जरीका प्राध्यापक डाक्टर पी. शरदचन्द्रले एएनआईसँगको कुराकानीमा‘फङ्गल’ संक्रमण कुनै नयाँ समस्या नभएर धेरै कारणबाट यो हुनसक्ने बताए।

‘सबभन्दा महत्वपूर्ण कारणमध्ये एक मधुमेहको नियन्त्रण हुननसक्नु, रोगीलाई भेन्टिलेसनमा राखी पूरक अक्सिजन दिँदा यो संक्रमण हुनसक्छ। कोरोना उपचार को ६ हप्ताभित्रमा यदि मानिसहरूलाई यी कुनै पनि कारण कालो फङ्गसको उच्च जोखिम रहने गर्छ’, डाक्टर शरदचन्द्रले भने, ‘सिलिण्डरबाट चिसो-चिसो अक्सिजन दिँदा यसले बिरामीहरूमा चिसोका कारण पैदा हुने ब्ल्याक फङ्गसजस्ता समस्या निम्त्याउने खतरा हुन सक्छ।’

भारतका विभिन्न भागहरूमा ‘कालो ढुसी’ संक्रमणका घटनाहरू जानकारीमा आइरहेका छन्। राजस्थान, गुजरात, पञ्जाब, हरियाणा, कर्नाटक, ओडिसा, तेलङ्गना र तमिलनाडुजस्ता राज्यहरूले महामारी रोग ऐनअन्तर्गत यसलाई ‘अधिसूचित’ रोग घोषणा गरिसकेका छन् र यसैले ‘म्युकोर्माइकोसिस’ को अवस्था राज्य सरकारलाई रिपोर्ट गर्नु अनिवार्य बनाएको छ।

कोरोना महामारीको अतिरिक्त कालो ढुसीको संक्रमण समस्या बढ्दो चिन्ताको बीच दिल्लीको सर गंगाराम अस्पतालमा सानो नशाको म्युकोर्मिकोसिसको दुर्लभ घटनाहरू देखिएका छन्।



Leave a Reply

Your email address will not be published. Required fields are marked *