सिभिल अस्पतालमा गम्भीर कोभिड बिरामीको उपचार, १५० बेड छुट्याइयो

हेल्थपोस्ट नेपाल

सिभिल अस्पतालमा गम्भीर कोभिडका बिरामीका लागि १५० बेड छुट्याइएको छ।

शुक्रबार वाग्मती प्रदेशको सामाजिक विकास मन्त्रालय र अस्पतालबीच भएको सम्झौता अनुसार अस्पतालमा १ सय ५० बेड कोभिडका बिरामीहरुलाई उपचार व्यवस्था गरिनेछ।

जसका लागि दुई करोड २४ लाख ५० हजार रुपैयाँ अनुदान सहयोग गर्ने भएको छ।

सम्झौता अनुसार १५० शय्याको अस्पताल सञ्चालनको लागि आवश्यक पर्ने आर्थिक, भौतिक (औषधि, उपकरण, भवन आदि) जनशक्ति लगायतको व्यवस्था अस्पताल स्वयंले गर्नुपर्नेछ ।

साथै अस्पतालले नियमित तोकिएको ढाँचामा बिरामीको दैनिक अवस्थालाई विश्लेषण गरेर मन्त्रालयको स्वास्थ्य कार्यालय काठमाडौंलाई प्रतिवेदन पेस गर्नुपर्ने सम्झौतामा उल्लेख छ ।

सम्झौतामा मन्त्रालयको तर्फबाट वरिष्ठ स्वास्थ्य प्रशासक डा. अर्जुनप्रसाद सापकोटा र अस्पताको तर्फबाट कार्यकोरी निर्देशक डा विद्यानिधि पौडेलले हस्ताक्षर गरेका छन ।

यो सम्झौता शुक्रबारदेखि नै लागु भएको अस्पतालले जनाएको छ।

 



Leave a Reply

Your email address will not be published. Required fields are marked *