भक्तपुरको इन्जिनियरिङ कलेजमा एक सय बेडको आइसोलेसन वार्ड तयार

हेल्थपोस्ट नेपाल
भक्तपुर–कोरोना भाइरस कोभिडको दोश्रो चरणको भयावहसँगै सरकारले भक्तपुरको दुवाकोट चाँगुनारायणस्थित नेपाल इन्जिनियरिङ कलेज (नेक) मा एक सय बेडको आइसोलेसन वार्ड तयार पारेको छ।
केही दिनको तयारीपछि अहिले त्यहाँ बिरामी राख्न मिल्ने बनेको छ।
कलेजका प्रिन्सिपल प्रा.डा हरिकृष्ण श्रेष्ठले कलेजले त्यसका लागि ठाउँमात्रै उपलव्ध गराएको र बाँकी सबै काम नेपाल सरकारले नै गरेको उनले स्पष्ट पारे।
बेड र त्यसका लागि आवश्यक ओढ्ने, ओछ्याउने, तकिया, तन्ना, सावुन, रुमाल, टुथपेष्टलगायतका सम्पूर्ण सामानको एक सय सेट सरकारले नै व्यवस्था गरिदिएको उनले जनाए।
साथै वेड राख्ने सम्पूर्ण काम पनि सरकारले नै गरेको उनले जनाए। शनिबार विहानसम्म त्यहाँ विरामी भने पुगेका छैनन्।तर विरामी ल्याउनका लागि सोधपुछको काम भने सुरु भएको जनाइएको छ।

यसअघि पनि पहिलो चरणको कोरोनाका बेला त्यहाँ बेड विस्तार गरिएको थियो।

तर त्यतिवेलासम्म संक्रमणको संख्या निरन्तर कम हुँदै गएकाले विरामी राख्नुपरेको थिएन।

त्यसपछि प्रशासनसँगै समन्वय गरी कलेजले बेड हटाई सामानहरु सबै स्टोरमा राखेको थियो। अहिले त्यही बेड विस्तार गरिएको हो।

देशभरसँगै भक्तपुरमा पनि कोरोनाको संक्रमण वढ्दो छ।

जिल्लामा भक्तपुर, मध्यपुर, चाँगुनारायण र सूर्यविनायक गरी चार वटा नगरपालिका छन्।

यीमध्ये जिल्लामा सवैभन्दा वढी कोरोना संक्रमित क्रमशः मध्यपुर थिमि, सूर्यविनायक, भक्तपुर र चाँगुनारायणमा छन्।

जिल्ला जनस्वास्थ्य कार्यालय कटुञ्जे भक्तपुरले राखेको तथ्यांक अनुसार हालसम्म पीसीआर पोजेटिभ हुनेहरुको संख्या ९वैशाख १७ गतेसम्म० मध्यपुर थिमिमा ५५, सूर्यविनायकमा ३८, भक्तपुरमा २२ र चाँगुनारायणमा ७ छन्। साथै पाँच जना सम्पर्कविहीन छन्।



One thought on “भक्तपुरको इन्जिनियरिङ कलेजमा एक सय बेडको आइसोलेसन वार्ड तयार

Leave a Reply

Your email address will not be published. Required fields are marked *