कोरोना संक्रमण दिनानुदिन बढ्दै गएका कारण संक्रमितको हेरचाह तथा उपचारका लागि भेरी अस्पताल नेपालगञ्जले ६० जना कर्मचारीको माग गरेको छ।

अस्पतालले ४० जना स्टाफ नर्स, १० जना मेडिकल अधिकृत, ५ जना ल्याब टेक्निसियन, २ जना नर्सिङ अधिकृत र ३ जना एनेस्थेसियोलोजिष्टको आवश्यकता रहेको जानकारी दिएका छन्।

अस्पतालले आइसोलेसन वार्डमा काम गर्नको लागि करारमा कर्मचारी दरबन्दी थप्न लागेको हो।

स्वास्थ्य तथा जनसंख्या मन्त्रालयबाट प्राप्त बजेटबाट तलब भत्ता भुक्तानी हुने र करारको अवधि आसाढ मसान्त सम्म हुने विज्ञापनमा उल्लेख गरिएको।

इच्छुक तथा शैक्षिक योग्यता भएका स्वास्थ्यकर्मीहरुले परीक्षा दिइृ सेवामा खट्न सक्नेछन्।