तीन स्वास्थ्य प्रतिष्ठानमा उपकूलपति : यी हुन् प्रारम्भिक सूचीमा परेका व्यक्ति

तीन स्वास्थ्य विज्ञान प्रतिष्ठानको उपकुलपतिको सिफारिसका लागि उम्मेदवारको प्रारम्भिक सूची स्वास्थ्य मन्त्रालयले प्रकाशन गरेको छ ।

मन्त्रालयले कर्णाली स्वास्थ्य विज्ञान प्रतिष्ठान जुम्लाका लागि १३, पोखरा स्वास्थ्य विज्ञान प्रतिष्ठान र पाटन स्वास्थ्य प्रतिष्ठानमा ९ र ९ जनाको नाम पहिलो चरणमा प्रकाशन गरेको छ।

जसमा कणाली स्वास्थ्य विज्ञान प्रतिष्ठानको उपकुपतिको लागि २१ जनाको आवेदन गरेको थियो। त्यसैगरी, पोखरा स्वास्थ्य विज्ञान प्रतिष्ठान र पाटन स्वास्थ्य प्रतिष्ठानमा १२–१२ आवेदन परेको थियो।

योग्यता, अनभव तथा व्यवसायिक कार्य योजनासमेतको प्रारम्भिक छानविनका आधारमा नामावली सिफारिस गर्नका लागि प्रारम्भिक सूची प्रकाशन गरिएको मन्त्रालयले जनाएको छ।

कर्णाली प्रतिष्ठानको लागि डा. प्रविण कुमार गिरी, डा. राजीव शाह, डा मंगल रावल, डा. पुजन, कुमार रोकाया, डा. निरेश थापा, डा. तरूण पौडेल, डा. हरिहर देवकोटा छन्। त्यसैगरी, डा. राजेन्द्रराज वाग्ले, डा गेहनाथ बराल, डा. सुनिल बुढाथोकी, डा. सूर्यमान मेन्यङवो, डा. रमेश बहादुर राना र डा. केशव प्रसाद सिंहको मन्त्रालयले प्रारम्भिक सूची नाम प्रकाशित गरेको छ।

पोखरा स्वास्थ्य विज्ञान प्रतिष्ठानका लागि डा.श्रीकृष्ण श्रेष्ठ, डा. ढुकु बहादुर श्रेत्री, डा.विदुर बहादुर अल्ली, डा. प्रल्हाद कार्की, डा. सुरेन्द्र शेरचन र डा. ध्रुव बहादुर अधिकारी, डा. भरत बहादुर लवी, डा. गिरीधरी शर्मा पगेनी र डा. सरोज शर्माको प्रारम्भिक सुची प्रकाशित भएको हो।

पाटन स्वास्थ्य विज्ञान प्रतिष्ठानका लागि डा. बुलन्द्र थापा, डा. प्रल्हाद कार्की, डा अनिल कुमार मिश्र, डा. गेहनाथ बराल, डा. पारस कुमार आचार्य, डा. राजेश नाथ गंगोल, डा. दान बहादुर कार्की, डा. हेमराज ओझा र डा. केशव प्रसाद सिंहको नाम प्रारम्भिक सूचीमा प्रकाशित भएको छ।

उपकुलपति नियुक्तिको लागि स्वास्थ्य मन्त्रालयले कार्यविधि बनाएको छ ।

कार्यविधि अनुसार मान्यता प्राप्त शैक्षिक संस्थाबाट चिकित्साशास्त्र विषयमा कम्तिमा स्नातकोत्तर उपाधि प्राप्त गरेको, कम्तिमा प्राध्यापक वा मन्त्रालय सम्बद्ध निकायमा कम्तिमा एघारौँ तह वा सो सरह काम गरेको व्यक्तिले उपकुलपतिको लागि आवेदन दिन सक्नेछन ।

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय