चिकित्सा शिक्षा आयोगका पदाधिकारी धम्काउनेलाई कारबाही गर्न डा. केसीको माग

चिकित्सा शिक्षा सुधारका अभियन्ता डा. गोविन्द केसीले चिकित्सा शिक्षा आयोगका पदाधिकारी धम्काउनेलाई कारबाही गर्न माग गरेका छन्।

‘चिकित्सा शिक्षा आयोग र यसका पदाधिकारीमाथि हालै भएको गुण्डागर्दी तथा आयोगलाई असफल बनाउन चलाइएको कुटिल षड्यन्त्रप्रति हाम्रो गम्भीर ध्यानाकर्षण भएको छ’, उनले भने।

पछिल्लो समय सत्ता नजिककमा मेडिकल माफियाहरूले आपराधिक व्यक्तिलाई प्रयोग गरेर आयोगका पदाधिकारीलाई धम्काउने तथा घरअगाडि बम राख्नेसम्मका कुकर्म गरेको जनाउँदै डा. केसीले आपत्ति जनाएका छन्।

‘स्वास्थ्य मन्त्रालयले चिकित्सा शिक्षा आयोगको स्थापनाकालदेखि नै आयोगको काममा अनावश्यक भाँजो हाल्ने र हस्तक्षेप गर्ने काम गर्दैआएको छ’, डा. केसीले एक विज्ञप्ति जारी गर्दै लेखेका छन्, ‘पछिल्लो समय त्यस्तो नाजायज दबाब बढाएर आयोगका पदाधिकारीलाई कामै गर्न कठिन हुने अवस्था सिर्जना गरेर आयोगलाई असफल बनाउन प्रयास भइरहेको छ।’

विद्यार्थीलाई न्याय हुने गरी निर्णय गर्ने र तिनलाई कार्यान्वयन गर्ने चुनौती आयोगसामु रहेको उनले बताएका छन्। दशकौंको बेथितिका कारण भद्रगोल भएको मेडिकल शिक्षामा थिति स्थापित गर्नु अहिले आयोगको पहिलो कर्तव्य भएको उनको ठहर छ।

‘आयोगका पदाधिकारीलाई धम्क्याउने तथा हिंसामा उत्रने अपराधीलाई तत्काल कारबाही गर्दै स्वास्थ्य मन्त्रालयले गर्दै आएको आयोगको कार्य सम्पादनमाथिको नाजायज हस्तक्षेप तत्काल बन्द गर्न सरकारको ध्यानाकर्षण गराउँछौं’, उनले जारी गरेको विज्ञप्तिमा लेखिएको छ।

आयोग स्रोतका अनुसार झापास्थित वि एन्ड सी मेडिकल कलेजका सञ्चालक दुर्गा प्रसाईले पदाधिकारीलाई अनावश्यक धम्की दिँदै आएका छन्।

Tags:

Leave a Reply

Your email address will not be published. Required fields are marked *

सम्बन्धित समाचार

नेपालमा गुणस्तरहीन औषधिको बिगबिगी, विभाग भन्छ– बिरामीको ज्यान तलमाथि भए जन्मकैद हुन्छ

नेपालमा गुणस्तरहीन औषधिको बिगबिगी, विभाग भन्छ– बिरामीको ज्यान तलमाथि भए जन्मकैद हुन्छ

विराट अस्पतालमा पहिलो पटक स्टेप्लर प्रविधिद्वारा पायल्सको सफल उपचार

विराट अस्पतालमा पहिलो पटक स्टेप्लर प्रविधिद्वारा पायल्सको सफल उपचार

नेता जोशीको उपचारमा संलग्न चिकित्सक भन्छन्–अवस्था नाजुक छ, केही भन्न सकिन्न

नेता जोशीको उपचारमा संलग्न चिकित्सक भन्छन्–अवस्था नाजुक छ, केही भन्न सकिन्न

कांग्रेस नेता जोशीको अवस्था अत्यन्त नाजुक, ३:२० मा अस्पतालको पत्रकार सम्मेलन

कांग्रेस नेता जोशीको अवस्था अत्यन्त नाजुक, ३:२० मा अस्पतालको पत्रकार सम्मेलन

नयाँ मेडिकल कलेजको सम्बन्धन नदिन काठमाडौं विश्वविद्यालयलाई डा. केसीको चेतावनी

नयाँ मेडिकल कलेजको सम्बन्धन नदिन काठमाडौं विश्वविद्यालयलाई डा. केसीको चेतावनी

चैत्र २० देखि हात्तीपाइलेविरुद्धको औषधि खुवाइँदै

चैत्र २० देखि हात्तीपाइलेविरुद्धको औषधि खुवाइँदै

  • ताजा समाचार
  • जनप्रिय

मुख्य खबर