वीर अस्पतालको आह्वान– सबै सेवा दिन्छौं ननकोभिड बिरामी पनि आउँनू

हेल्थपोस्ट नेपाल

चिकित्सा विज्ञान राष्ट्रिय प्रतिष्ठान वीर अस्पतालले नन कोभिड बिरामीलाई सामान्य र विशेषज्ञ सेवा साविक बमोजिम नै दिँदै आएको भन्दै सेवा लिनका लागि आह्वान गरेको छ ।

सरकारले कोभिड अस्पताल बनाउँने निर्णय गरेर कार्यन्वयन गरेपछि बिरामीको संख्या उल्लेख्य रुपमा घटेसँगै वीरले यसरी बिरामीलाई अस्पतालमा बोलाउँन सार्वजनिक सूचना नै गरेको हो ।

सामान्य अवस्थामा ३ हजार हाराहारीमा बिरामी आउँने वीरमा अहिले मुस्किलले ३ सय बिरामी आउँने गरेको अस्पतालले जनाएको छ ।

बुधबार अस्पतालका निर्देशक डा. केदार सेन्चुरीले सूचना नै जारी गरेर अन्य नियमित सेवाालाई निरन्तरता दिएरै कोभिडको थप सेवा दिएको स्पष्ट पारेका छन् ।

आम विज्ञको सुझाब बिपरीत सरकारले मुलुकै प्रमुख अस्पताल वीरलाई कोभिड अस्पताल बनाउँने निर्णय गरेपछि वीरको सेवा प्रभावित बनेको छ ।

सेवा प्रभावित हुँदा आम्दानी घटेर कर्मचारीलाई दिँदै आएको भत्तासमेत दिन नसक्ने अवस्था आएको छ ।

जसले गर्दा अस्पतालमा कर्मचारीले ४६ दिनसम्म आन्दोलन गरेर केही दिनअघि मात्रै सम्झौता भएको थियो ।

 



One thought on “वीर अस्पतालको आह्वान– सबै सेवा दिन्छौं ननकोभिड बिरामी पनि आउँनू

  1. भत्ता फालाफाल हुँदा रोगीले सेवा लिन सोर्स लगाउन पर्ने, भत्ता खाने पैसाको कमि हुँदा रोगिहरु लाइ बोलाउने अस्पताल के नेपाल कै पुरानो र ठुलो बिर अस्पताल हो?

Leave a Reply

Your email address will not be published.