कोरोना जोखिम बढेको भन्दै हुम्लाको ताँजाकोट गाउँपालिकाका नाका बन्द

हेल्थपाेस्ट/काठमाडौं
प्रकाशित
२०७७ कार्तिक १२ गते ११:५१

हुम्लाको दक्षिण क्षेत्रमा रहेको ताँजाकोट गाउँपालिकाले पाँच दिनका लागि आफ्नो गाउँपालिकासँग जोडिएका सबै नाका बन्द गरेको छ।

गाउँकार्यपालिकाको निर्णयअनुसार कोरोना सङ्क्रमण जोखिम बढेकाले नाका बन्द गरिएको गाउँपालिकाका निमित्त प्रमुख प्रशासकीय अधिकृत विशाल ढकालले जानकारी दिए।

पालिकाले बाजुरा जिल्लाको कवाडी नाका, मुगुको तीर्थसैनबाट ताँजाकोट गाउँपालिका र माथिल्लो हुम्ला पुग्ने मुख्य नाका पाँच दिनका लागि बन्द गरेको हो। हुम्लामा नौ जनामा कोरोना सङ्क्रमण देखिएको छ।

Leave a Reply

Your email address will not be published. Required fields are marked *

  • ताजा समाचार
  • जनप्रिय