सुदूरपश्चिमका ८६ संक्रमितले कोरोना संक्रमण जिते

सुदूरपश्चिम प्रदेशमा कोरोना संक्रमण पुष्टि भएका मध्य ८६ संक्रमण मुक्त भएर घर गएका छन्।

सुदूरपश्चिम प्रदेश स्वास्थ्य निर्देशनालय राजपुर डोटीको तथ्याङ्क अनुसार मंगलबार सम्म सुदूरपश्चिममा ६ हजार ७ सय ५ जनाको कोरोना संक्रमण पुष्टि भएकोमा ५ हजार ७ सय ६७ जना निको भएर घर गएका छन्।

प्रदेश स्वास्थ्य निर्देशनालयका अनुसार सुदूरपश्चिम प्रदेशमा कोरोना संक्रमण मुक्त हुनेको संख्या ८६ दशमलब ०१ प्रतिशत रहेको छ।

सुदूरपश्चिम प्रदेशमा हाल सम्म ८० हजार ९७ जनाको स्वाव संकलन गरिएकोमा ७८ हजार ६ सय ६८ स्वाव पिसिआर विधिबाट परिक्षण गरिएका छन्।

परीक्षण भएकामध्ये ७१ हजार ९ सय ८३ नमूनाको नतिजा नेगेटिभ छ भने १ हजार ४ सय ९ स्वाव परीक्षण हुन बाँकी रहेका प्रदेश स्वास्थ्य निर्देशक डाक्टर गुणराज अवस्थीले बताए ।

हाल सुदूरपश्चिम प्रदेशमा ९ सय २५ जना सक्रिय कोरोना संक्रमित रहेका छन्। त्यसमध्ये कैलालीमा सबैभन्दा बढी ४ सय ७५, डोटीका १ सय १३, अछाममा ७४, बैतडीमा ७१, बझाङमा ८९, बाजुरामा ९, डडेल्धुरामा १६, दार्चुलामा ३१ र कञ्चनपुरमा ४८ जना सक्रिय संक्रमित रहेका छन्।

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय