भक्तपुरमा हालसम्मकै धेरै कोरोना संक्रमित भेटिए

भक्तपुरमा मात्रै आइतबार १ सय १ जनामा कोरोना संक्रमण पुष्टि भएको छ। यो संख्या हालसम्म कै उच्च हो।

आजभोली भक्तपुरमा कोरोना संक्रमितको संख्या बढ्दै गएको छ। शुक्रबार मात्रै भक्तपुरमा ८३ जनामा संक्रमण पुष्टि भएको थियो।

स्वास्थ्य मन्त्रालयको तथ्यांक अनुसार हालसम्म भक्तपुरमा १ हजार ४ सय ५४ जनामा संक्रमण पुष्टि भइसकेको छ।

सर्वसाधारणले जनस्वास्थ्य मापदण्ड पालना नगर्नाले संक्रमण संख्या बढेको भक्तपुर जनस्वास्थ्य केन्द्रका प्रमुख कृष्णबहादुर मिजार बताउँछन्।

‘अहिले जताजतै भीडभाड भएको देखिन्छ। मानिसहरू मास्क नलाई हिडेका छन्। कतै सामाजिक दुरी कायम छैन, उनले भने, ‘मानिसहरूमा कोरोना केहि होइन भन्ने भ्रम परिरहेको छ।’

उनका अनुसार स्बाव संकलन गरिसकेका व्यक्तिहरु पिसीआर रिर्पोट नआएसम्म क्वारेन्टाइनमा नबसी बाहिर निस्किएको हुनाले संक्रमण बढेको हो।

जनस्वास्थ्यको मापदण्ड पालना नगरेसम्म संक्रमित संख्या बढिरहने उनले बताए।

 

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय