कोरोना पोजेटिभपछि डा. कार्कीले भने, ‘नो बडी इज सेफ, समयमै परीक्षण गराउनुस्’

साउन ८–विराट मेडिकल कलेजका संचालक एवं चर्चित ल्याप्रोस्कोपिक सर्जन डा. ज्ञानेन्द्रमानसिंह कार्कीले कोरोनाको कहरबाट विश्वमा कोही पनि सुरक्षित नभएको भन्दै समयमा परीक्षण गराउँन सुझाब दिएका छन् ।

६ दिनअघि रुघा, खोकी र हल्का ज्वरो सुरु भएपछि परीक्षण सुरु गरेर क्वारेन्टाइनमा बसिरहेका डा. कार्कीले लकडाउन वा कुनै महामारीका वहाना गरेर कामबाट पछाडि नहटेकै कारण संक्रमण भएको भन्दै यसलाई आफूले सामान्य रुपमै लिएको बताए ।

‘बेमौसमी रुघाखोकी सुरु हुनासाथ मैले सुरुमै आइसोलेसनमा बसिहालेँ र परीक्षण सुरु गरेँ’ डा. कार्कीले भने ।

डा. कार्कीले ‘म ६ दिनदेखि क्वारेन्टाइनमा थिएँ, पछि पिसिआर पोजेटिभ आयो’

‘म एक दिनपनि घरमा बसिन, जटिल खालका शल्यक्रिया, राउन्ड र मेडिकल कलेजको व्यवस्थापनको काम जारी राखेँ’ उनले भने ।

उनले अस्पतालमा अन्य कसैलाई संक्रमण नदेखिएको बताए ।उनले अहिलेको अवस्थामा विश्वव्यापी भइसकेको भाइरसबाट कोही पनि सुरक्षित नभएको भन्दै परीक्षण गर्दा पोजेटिभ आए के होला भन्नेजस्तो त्रास पालेर बस्न नहुने र बेलैमा परीक्षण गर्र्न सुझाब दिए ।

डा. कार्कीको अनुभूतिको अंश

केहीदिनअघि बेमौसमी रुघाखोकी लागेपछि मैले सुरुमै आइसोलेसनमा बस्नुपर्छ भनेर घरमै बसिहालेँ । पछि पिसिआर पोजेटिभ आयो । ६ दिन क्वारेन्टाइनमा बसिसकेकोले कसैलाई सर्न पाएँ । म यतिधेरै दिनदेखि एक दिनपनि नरोकिकन काममै छु ।

तर ८/९ वर्षदेखि म ओपिडी बसेको छैन् । राउण्ड लिने, साहेगाहे पर्र्दा शल्यक्रियामा सघाउँने र मेडिकल कलेज व्यवस्थपनमै बढी समय विताउँछु ।

मैले मस्कोको सेन्टपिटर्स कलेजबाट एमडी र पिएचडीसमेत गरे र जर्मनबाट ल्याप्रोस्कोपिक सर्जरीमा डिप्लोमा गरेँ । नेपालमा सन् २००० देखि ल्याप्रोस्कोपीक सर्जरी सुरु गरेसँगै मैले ४१ हजार हाराहारीमा शल्यक्रिया गरिसकेँ । कामले नै माथि उठेको मान्छे काम नगरी निदाउनै सकिन्न ।

अहिले हामीजस्तो चिकित्सक संक्रमणको डरमा काम नगरी बस्न पनि भएन् । तर का मरेपछि त ‘कोही पनि सेफ छैन् नि, शंका लाग्दा वा नियमित रुपमा पनि टेस्ट गरेर केही बिर्गिदैन । कि पोजेटिभ आउँछ कि नेगेटिभ के बिग्रिन्छ ?
चिकित्सकले पनि मेडिकल इथिक्स फलो गर्नुपर्छ । संक्रमण पोजेटिभ आयो म ६ दिनदेखि आइसोलेसनमा बसेको छु, केही दिनमा भाइरसमुक्त भएर पर्किन्छु । के बग्रिन्छ ? अस्पताल नै बन्द गर्नुपर्र्ने होइन् । बिरामी वा

त्यहाँ खटिएका जनशक्तिमा देखियो भने, कन्ट्रयांक ट्रेसिङ गर्ने हो प्रोटकलअनुसार नै गर्ने हो नि । भाइरस देखियो भने त्यस्तो घटनालाई लुकाउने प्रयास गर्नुहुन्न ।
अहिले हामी सबै संवेदनशील भएर परीक्षण गराउनुपर्छ र सरकार पनि संवेदनशील बन्नुपर्छ ।

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय