नेपाल मेडिकल कलेजबाट निकालिएका ७१ नर्सलाई काममा फर्काउने सहमति

अस्पतालमा केही समयअघि भएको आन्दोलनका फाइल तस्बिर

अस्पताल प्रशासनमा तालाबन्दीलगायतका आन्दोलनपछि नेपाल मेडिकल प्रशासनले निकालिएका स्टाफलाई काममा फर्काउन सहमत भएको छ ।

प्रशासनले असार अन्तिमदेखि ७१ जना कर्मचारी (अधिकांश नर्स)को करार अवधि थप नगरी सेवाबाट हटाएको थियो ।

त्यसको विरोधमा अस्पतालको स्वतन्त्र कर्मचारी ट्रेड युनियानले साउन १ देखि अस्पताल प्रशासनमा तालाबन्दी सुरु गरेको छ ।

अवधि थप नभएकामा ६ महिनादेखि ३ वर्षदेखि काम गरेकासम्म नर्स थिए ।

तालाबन्दीसँगै अस्पताल प्रशासन सबैलाई काममा फर्काउन सहमत भएको युनियान अध्यक्ष किरण केसीले बताए ।

उनले लिखित प्रतिवद्धता आउँनासाथ ताला खोलिने बताए । केसीका अनुसार अहिले अस्पताल विनियामावली अनुसार २ वर्ष अवधि पुगेकाहरुलाई साउनदेखि नै स्थायी गर्ने र अस्थायीलाई काममा फर्काइने सहमति बनेको बताए ।

मेडिकल कलेजका निर्देशक डा. राजेशकिशोर श्रेष्ठले कोभिडका महामारीका समयमा संस्था, कर्मचारी र बिरामीको हितमा हुनेगरी काम गर्दा राजनीति भएको बताए । ‘केही ठूलो कुरा होइन् आजै सल्टिन्छ’ उनले भने ।

डा. श्रेष्ठले समस्य ठूलो नभएपनि निर्वाचन आउन लागेकोले कतिपयले राजनीतिसमेत गरेको आरोप लगाए । अस्पतालमा झण्डै ७०० कर्मचारी कार्यरत रहेकोमा ३२४ नर्स छन् ।

अस्पताल व्यवस्थापन र युनियानबीच विभिन्न समयमा भएका सहमति पालना नगरी असार ३१बाट अस्पतालमा करारमा कार्यरत कर्मचारीलाई हटाएपछि युनियानले आन्दोलन सुरु गरेको थियो ।

युनियानले महामारीका समयमा अग्रमोर्चामा खटिएका कर्मचारीमाथि अन्याय र अत्यचारविरुद्ध अस्पतालको सम्पूर्ण प्रशासन शाखामा तालाबन्दी गर्न परेको जनाएको छ ।

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय