विश्व कोरोना कहर : एकैदिन २ लाख २२ हजारभन्दा धेरै संक्रमित थपिए, साढे पाँच हजारकाे मृत्यु

हेल्थपोस्ट नेपाल

विश्वभर कोरोना भाइरसको संक्रमण दिनप्रतिदिन बढ्दै गइरहेको छ। सँगै मृत्यु हुनेको संख्या पनि बढिरहेको छ।

बितेको चौबिस घण्टामा विश्वभर २ लाख २२ हजार ७ सय ४७ जना कोरोनाका नयाँ संक्रमित थपिएका छन् भने, ५ हजार ३ सय ८८ जनाको मृत्यु भएको छ।

कोरोना भाइरसबाट सबैभन्दा बढी प्रभावित मुलुक अमेरिकामा एक दिनमा ९ सय ४६ जनाको मृत्यु भएको छ भने ६१ हजार ६३ जना नयाँ संक्रमित थपिएका छन्।

योसँगै अमेरिकामा कोरोनाबाट ज्यान गुमाउनेको संख्या १ लाख ३५ हजार ८ सय ८ पुगेको छ भने ३२ लाख १९ हजार ९ सय ९५ जना संक्रमित छन्।

अमेरिकामा देखिएका भाइरसका संक्रमितमध्ये १५ हजार ६ सय ४५ जनाको स्वास्थ्य अवस्था गम्भीर रहेको छ भने १४ लाख २६ हजार ४ सय २८ जना निको भएका छन्।

कोरोना भाइरसको मृत्युदर दिनप्रतिदिन बढ्दै गइरहेको ब्राजिलमा एकदिनमा १ हजार १ सय ९९ जनाको ज्यान गएको छ भने ४२ हजार ९ सय ७ जना नयाँ संक्रमित थपिएका छन्।

पछिल्लो दुइ सातादेख अमेरिकाभन्दा ब्राजिलमा मृतकको संख्या बढिरहेको छ भने संक्रमितको संख्या अमेरिकामा बढी रहेको छ।

ब्राजिलमा कोरोना भाइरसबाट शुक्रबारसम्म ६९ हजार २ सय ५४ जनाको ज्यान गएको छ भने १७ लाख ५९ हजार १ सय ३ जनामा संक्रमण रहेको पुष्टि भएको छ।

संक्रमण देखिएकाहरुमध्ये ११ लाख ५२ हजार ४ सय ६७ जना निको भएका छन् भने ८ हजार ३ सय १८ जनाको अवस्था गम्भीर रहेको छ।

कोरोना भाइरस प्रभावित मुलुकको तेस्रो नम्बरमा रहेको भारतमा बितेको चौबिस घण्टामा ४ सय ७९ जनाको मृत्यु भएको छ भने २५ हजार ७ सय ९० जना नयाँ संक्रमित थपिएका छन्।

भारतमा कोरोनाका कारण ज्यान गुमाउनेको संख्या २१ हजार ६ सय २३ पुगेको छ भने ७ लाख ९४ हजार ८ सय ४२ जनामा संक्रमण देखिएको छ।

भारतमा रहेका संक्रमितमध्ये ४ लाख ९५ हजार ९ सय ६० जना जना निको भएका छन् भने ८ हजार ९ सय ४४ जनाको स्वास्थ्य अवस्था खराब रहेको छ।

भाइरसबाट प्रभावित देशको सूचीमा चौथो नम्बरमा रहेको रुसमा एकदिनमा १ सय ७६ जनाको मृत्यु भएको छ भने ६ हजार ५ सय ९ जना नयाँ संक्रमित थपिएका छन्।

यहाँ कोरोनाबाट ज्यान गुमाउनेको संख्या १० हजार ८ सय ४३ पुगेको छ भने ७ लाख ७ हजार ३ सय ३ जना संक्रमित छन्। संक्रमितमध्ये ४ लाख ८१ हजार ३ सय १६ जना निको भएका छन्।

बितेको चौबिस घण्टामा ब्राजिल र अमेरिकापछि कोरोनाबाट सबैभन्दा बढी मुत्यु मेक्सिकोमा भएको छ। जहा ७ सय ८२ जनाको ज्यान गएको छ भने ६ हजार ९ सय ९५ जना नयाँ संक्रमित थपिएका छन्।

मेक्सिकोमा अहिलेसम्म भाइरसका कारण ३२ हजार ७ सय ९६ जनाको मृत्यु भएको छ भने २ लाख ७५ हजार ३ जना संक्रमित भेटिएका छन्।,

विश्वभर कोरोना भाइरसका कारण ज्यान गुमाउनेको संख्या ५ लाख ५६ हजार ५ सय ८५ पुगेको छ भने १ करोड २३ लाख ७८ हजार ७ सय ७६ जना संत्र,मित छन्।

संक्रमण पुष्टि भएकामध्ये ७१ लाख ८२ हजार ३ सय ९४ जना निको भएका छन् भने ५८ हजार ४ सय ५४ जनाको स्वास्थ्य अवस्था गम्भीर रहेको छ।



Leave a Reply

Your email address will not be published. Required fields are marked *