दिनहुँ आधा घण्टा योग गर्दा उच्च रक्तचापमा कमी : अनुसन्धान
हेल्थपाेस्ट/काठमाडौं
प्रकाशित
२०७७ असार २२ गते १२:२८
यो पनि
दैनिक रूपमा ३० मिनेट योगाभ्यास गर्दा उच्च रक्तचापमा कमी आएको एक अनुसन्धानले देखाएको छ।
नेपाल र विदेशका अनुसन्धानकर्ताहरू मिलेर नेपालका १ सय २१ जना उच्च रक्तचापका बिरामीमा एक वर्ष लगाएर गरेको अनुसन्धानले दैनिक आधा घण्टा योगाभ्यास गर्दा तीन महिनामा माथिको रक्तचाप ७ र तलको रक्तचाप लगभग ४ अंकले घट्ने देखाएको छ।
रामेछाप, नुवाकोट, घादिङ, कास्की, सुर्खेत, रोल्पा, रूपन्देहीका १ सय २१ मानिसलाई अनुसन्धानमा समावेश गराइएको प्रमुख अनुसन्धानकर्ता डा. राजाराम ढुंगानाले जानकारी गराए।
अनुसन्धानमा ६१ जनालाई तीन महिनासम्म दैनिक ३० मिनेट योगा गराइएको थियो भने ६० जनालाई योगा गराइएको थिएन। उनका अनुसार योगा गर्ने मानिसमा माथिको रक्तचाप ७ र तलको रक्तचाप लगभग ४ अंकले घटेको देखाएको थियो ।
रक्तचाप घट्ने मात्रा महिला वा पुरुष, औषधी खाने वा नखाने, धूमपान गर्ने वा नगर्ने सबैमा उत्तिकै देखिएको हो। नेपालमा कतिपय उच्च रक्तचापका बिरामीले सामान्यतयः आफ्नै हिसाबले योगाभ्यास गर्दै आएका छन् । तर कुन–कुन योगासन, कति–कति समय र अवधि गर्ने भन्ने प्रष्ट छैन।
‘अनुसन्धानअनुसार दिनको ३० मिनेटमध्ये सुरुको ९ मिनेट सुक्ष्म व्यायाम र साधारण आसन, त्यसपछि ९ मिनेट चन्द्रभेदी, नाडीसुद्धी, भ्रामरीलगायतका प्राणायाम र बाँकी रहेको १२ मिनेट योगनिद्रा तथा सवासनमा ध्यान र आराम गर्दा बढी लाभकारी हुने देखियो,’ डा. ढुंगानाले हेल्थपोस्ट नेपाललाई भने।
उच्च रक्तचापको बिरामीले औषधीका साथै नियमित योग गर्नाले उच्च रक्तचाप नियन्त्रणमा सहयोग पुर्याउने उनी बताउँछन्।नेपाल अनुसन्धान परिषद्ले गरेको अनुसन्धानमा नेपालमा चारजना व्यक्तिमध्ये एकमा उच्च रक्तचाप पाइएको छ।
रक्तचाप भएका व्यक्तिमध्ये आधाभन्दा कमले मात्र औषधी सेवन गर्ने र एक चौथाइभन्दा कममा मात्र रक्तचाप नियन्त्रणमा रहेको देखिएको छ। उच्च रक्तचापका बिरामीमा मुटुजन्य रोग, मस्तिष्कघात र मिर्गाैला काम नलाग्ने हुनसक्ने सम्भावना धेरै रहन्छ।
स्वास्थ्य अनुसन्धान परिषद्ले गरेको वैज्ञानिकहरूको छैटौं भेलामा डा. ढुंगाना यस विषयको कार्यपत्र मंगलबार प्रस्तुत गर्ने छन् ।
सम्बन्धित समाचार
- ताजा समाचार
- जनप्रिय
-
ग्राण्डी अस्पतालमा बिरामी जाँच्ने नक्कली डाक्टर समातिए
-
थपिए २२३७ कोरोना संक्रमित, १८ को मृत्यु
-
कस्तो छ तेस्रो लहर जुध्न स्वास्थ्य मन्त्रालयको तयारी?
-
स्वास्थ्य राज्यमन्त्रीमा उमेश श्रेष्ठ नियुक्त
-
नेपालीलाई स्वास्थ्य मन्त्रालयभन्दा डाक्टर र धार्मिक गुरुहरुको विश्वास बढी
-
कोरोना संक्रमण बढेसँगै उपत्यकाको निषेधाज्ञामा कडाइ, तीनै जिल्लाका सिडिओको बैठक बस्दै
-
कब्जियत भए के गर्ने?
-
मनसुनी प्रणाली सामान्यतर्फ उन्मुख, केही दिन लगातार वर्षा नहुने
-
बढ्दो कोरोना संक्रमण : एकै दिन ३११४ जनामा पुष्टि, १६ को मृत्यु
-
गर्दन दुख्दा गर्नुपर्ने ४ मुख्य व्यायामहरु
-
वर्षौंदेखि एउटा योग केन्द्रमा मौलाइरहेको ‘यौन-भोक’
-
भेरोसेल खोप असार २२ देखि दिइँदै, यि हुन् खोप केन्द्रहरू?
-
अमेरिकी खोप साउन ४ गतेबाट लगाउन सुरू, यी हुन् ४४ खोप केन्द्र?
-
अमेरिकी खोप १८ बर्षभन्दा माथिका सबैले पाउने, यी हुन् खोपकेन्द्रहरू ?
-
साउन १५ गते भित्र ३२ लाख खोप आउँदै, को पर्छन् प्राथमिकतामा ?
-
कोभ्याक्सअन्तर्गत खोप आउँदै, ‘कोभिसिल्ड’काे पहिलो मात्रा लगाएका लागि दिइने
-
तीन महिनाअघि मात्रै भएको थियो डा. अर्यालकाे विवाह, प्रारम्भिक अनुसन्धानमा के भेटियाे?
-
चीनबाट आएको ८ लाख खोप तीन प्रदेशमा जाँदै, क–कसले पाउँछन्?
-
अमेरिकी खोप लगाएका एक वृद्धको तीन घण्टा नबित्दै मृत्यु
-
कोभिसिल्ड खोप आउँदै, दोस्रो मात्रा केही दिनभित्रै दिइने
मुख्य खबर
