‘एक विद्यालय एक नर्स’ कार्यक्रम सञ्चालन गरिने

सुदूरपश्चिम प्रदेशको आगामी आर्थिक वर्ष २०७७/०७८ को नीति तथा कार्यक्रम प्रस्तुत गर्दै प्रदेश प्रमुख शर्मिलाकुमारी पन्तले सुदूरपश्चिममा सुविधा सम्पन्न ट्रमा सेन्टर र एक सय शैय्याको रोग अन्वेषण केन्द्र स्थापना गरिने बताइन्।

यस्तै नीति तथा कार्यक्रममा प्रदेशसँग जोडिएका सबै अन्तराष्ट्रिय सीमा नाकामा उपकरण युक्त स्वास्थ्य केन्द्र निर्माण गरिने उल्लेख छ। ‘एक विद्यालय एक नर्स’ कार्यक्रम सञ्चालन गरिने उनले बताइन्।

प्रदेशका ९ वटै जिल्ला अस्पतालको स्तराेन्नति गरी प्रयाप्त जनशक्ति उपलब्ध गराइने बजेटमा समेटिएको छ। सिकल सेल एनेमिया रोगको उपचार पद्धति थप व्यवस्थित गरिने उनको भनाई छ। प्रकृतिक चिकित्सा प्रणालीको संरक्षण गर्दै नागरिकलाई आयुर्वेदिक औषधीको प्रयोगमा हौसला प्रदान गरिने प्रदेश सरकारको नीति कार्यक्रममा उल्लेख छ।

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय