रौतहटमा फेरि थपिए २१ कोरोना संक्रमित, सबै भारतबाट आएका

रौतहटमा फेरि २१ जना नयाँ कोरोना संक्रमित थपिएका छन्। स्वास्थ्य तथा जनसंख्या मन्त्रालयले जारी गरेको विवरणअनुसार रौतहटमा थप २१ जनामा कोरोना संक्रमण पुष्टि भएको हो।

यसअघि रौतहटमा सोमबार २७ जनामा कोरोना संक्रमण पुष्टि भएको थियो।

गौर नगरपालिकाका ८, गरुडा नगरपालिकाका १ र देवाही गोनाही नगरपालिकाका १२ जनामा मंगलबार संक्रमण पुष्टि भएको रौतहटका कोरोना फोकल पर्सन महेश साहले जानकारी दिए। नयाँ थपिएका कोरोना संक्रमित पनि भारतको विभिन्न स्थानबाट आएर क्वारेन्टाइनमा बसेको उनले बताए।

साहले जेठ २ र ३ गते उनीहरू भारतको मुम्बई, दिल्ली, पञ्जाबलगायतका स्थानबाट फर्केको जानकारी दिएका छन्। यसअघि पनि रौतहटमा संक्रमण देखिएकामध्ये अधिकांश भारतबाट आएका नेपाली रहेको उनले बताए।

संक्रमितको संख्या बढ्दै गएपछि रौतहटमा आइसोलेसन कक्षको समस्या देखिएको साहको भनाइ छ। जिल्लामा जम्मा ४० बेडको आइसोलेसन रहेको भन्दै उनले संक्रमितको संख्या झन्डै ७० पुगिसकेकोले व्यवस्थापन गर्न चुनौती थपिएको बताए।

पछिल्लो पटक रोजगारीका लागि भारतमा रहेका नेपालीहरूू आउने क्रम सुरु भएसँगै प्रदेश २ मा कोरोना संक्रमितको संख्यासमेत थपिँदै गएको छ।

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय