स्वास्थ्यकर्मीको मनोबल घटाउने काम नगरौं : स्वास्थ्य मन्त्रालय

कोरोना भाइरस ( कोभिड १९)को उपचारमा सलंग्न रहेका स्वास्थ्यकर्मीको मनोबल गिराउने क्रियाकलाप नगराउनको लागि स्वास्थ्य मन्त्रालयले आग्रह गरेको छ ।

कोरोना भाइरसको संक्रमितको उपचारमा रहेका स्वास्थ्यकर्मीलाई डेरामा बस्न नदिने तथा समुदायले असहयोग गर्ने जस्ता गुनासो आएपछि मन्त्रालयले स्वास्थ्यकर्मीको मनोबल घटाउने काम नगर्नेको लागि आग्रह गरेको हो ।

उपचारमा सलंग्न सबै स्वास्थ्यकर्मीको कोरोना परीक्षण गरिरहेको स्वास्थ्य मन्त्रालयका प्रवक्ता डा. विकास देवकोटाले बताए । ‘कोरोनाको रोकथाम तथा नियन्त्रणमा खटिने स्वास्थ्यकर्मी पहिलो पंक्तिका योद्दा हुन्, डा. देवकोटाले भने,‘ घरमा बस्ने नदिने तथा असहयोग गर्ने कार्य गर्नु अवान्छनीय हुन्छ ।’

देशमा स्वास्थयकर्मीको कमी रहेको भन्दै यस्तो न्युनसंख्या भएको अवस्थामा पनि स्वास्थ्यकर्मीहरुबाट सकेसम्म धेरै स्वास्थ्य सेवा लिनुपर्नेमा मनोबल घटाउने कुरा राम्रो नभएको डा. देवकोटाले बताए ।

‘कोरोना रोकथाम तथा नियन्त्रणमा अगंपक्तिमा खटिने स्वास्थ्यकर्मीलाई असहयोग गर्छौ भने आफैलाई असहयोग गरिरहेका छौ, उनले भने, ‘ यो कुरा हामी सबैले बुझ्न जरुरी छ ।’

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय