२३ हजार ९ सय १४ को पिसिआरमार्फत कोरोना परीक्षण

नेपालमा कोरोना संक्रमित संख्या बढ्दै गएको अवस्थामा परीक्षण संख्यामा पनि सुधार हुँदै गएको छ। गत २४ घण्टामा १ हजार २ सय ५० नमुना परीक्षण भएको स्वास्थ्य मन्त्रालयले जनाएको छ। हालसम्म पिसिआरमार्फत २३ हजार ९ सय १४ को नमुना परीक्षण भएको पाइएको छ।

शुक्रबार देशभर १५ हजार ५ सय ८३ जना क्वारेन्टाइनमा रहेका छन्। जसमध्ये प्रदेश १ मा ८ सय ८५, प्रदेश २ हजार ५१, वागमती प्रदेशमा १ सय १७, गण्डकी प्रदेशमा ३ सय १७ क्वारेन्टाइनमा रहेका छन्। त्यसैगरी, प्रदेश ५ मा ८ हजार ३ सय २५, कर्णाली प्रदेशमा १ हजार ८२ र सुदूरपश्चिम प्रदेशमा २ हजार ९ सय १६ जना क्वारेन्टाइनमा रहेका छन्।

हालसम्म २४ जिल्लामा कुल संक्रमित २ सय ५८ पुगेको छ। जसमध्ये २ सय १० जना पुरुष र ४८ जना महिला रहेका छन्। प्रदेश १ मा ३५, प्रदेश २ मा १ सय, बागमती प्रदेशमा १३, गण्डकी प्रदेशमा ३, प्रदेश ५ मा १ सय २, र सुदूरपश्चिम प्रदेशमा ५ जना संक्रमित रहेका छन्। संक्रमित मध्ये ३६ जना निको भएर घर फर्किएका छन्।

शुक्रबार २ सय ६७ आइसोलेसनमा रहेका छन्। जसमध्ये उपत्यकामा २७ र उपत्यका बाहिर २ सय ४० रहेका छन्। प्रदेश १ मा २२, प्रदेश २ मा १ सय २, बागमती प्रदेशमा ३४, गण्डकीमा १ र प्रदेश ५ मा १ सय ८ जना आइसोलेसनमा रहेका छन्।

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय