कोरोना संक्रमणबाट भारतको हरियाणामा एक नेपालीको मृत्यु

कोरोना भाइरसका कारण भारतको हरियाणामा एक नेपालीको मृत्यु भएको छ। केही संक्रमित रहेको जानकारी नयाँ दिल्लीस्थित नेपाली दूताबासले जानकारी दिएको छ।

भारतको राजधानी दिल्लीसँग जोडिएको हरियाणास्थित गुरूग्राममा कोरोनाको संक्रमणबाट नेपालीको मृत्यु भएको हो।

नेपाली जनसम्पर्क समिति भारतका अध्यक्ष बालकृष्ण पाण्डेले गुरूग्राममा एक जना नेपालीको मृत्यु भएको जानकारी आएको र उनको विषयमा विस्तृत विवरण खोजी भइरहेको बताए।

पाण्डेका अनुसार आइतबार प्रशासनको सहयोगमा ती नेपालीको अत्येष्टि गरिएको छ। ‘त्यहाँ रहेका नेपालीसँग समन्वय गरी मृतकको विवरण र अरू संक्रमित नेपालीका विषयमा जानकारी लिइरहेका छौँ,’ उनले भने।

भारतमा बस्ने नेपालीहरू कति संक्रमित छन् र अवस्था के छ भन्ने विषयमा तथ्याङ्क संकलनको प्रयासमा आफूहरू रहेको जानकारी पाण्डेले दिएका छन्।

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय