बागलुङकी कोरोना संक्रमित १९ वर्षे अंशु डिस्चार्ज

बागलुङकी कोरोना संक्रमित १९ वर्षीया अंशु सापकोटाको छैठौं रिपोर्ट पनि नेगेटिभ आएपछि अस्पतालबाट डिस्चार्ज भएकी छिन् ।

शुक्रबार पोखराको पश्चिमाञ्चल क्षेत्रीय अस्पतालको कोरोना प्रयोगशालामा गरिएको परीक्षण नेगेटिभ आएको धौलागिरी अञ्चल अस्पतालका मेडिकल सुपरिटेन्डेन्ट शैलेन्द्र पोखरेलले जानकारी दिए ।

रिपोर्ट नेगेटिभ आएपछि उनलाई आजै डिस्चार्ज गरिएको पोखरेलले बताए । ‘उहाँको आज गरिएको परीक्षणको रिपोर्ट नेगेटिभ आएपछि डिस्चार्ज गरेका छौ,’ उनले भने । यसअघि बिहिबार गरिएको पाँचौं परीक्षणको रिपोर्ट नेगेटिभ आएको थियो ।

उनी गत चैत ४ मा बेल्जियमबाट कतार हुँदै नेपाल आएकी थिइन् ।

नेपाल आएको ११ औं दिनमा उनलाई कोरोना पुष्टि भएको थियो । अंशुसँगै एउटै जहाजमा आाएकी बाग्लुङकी ६५ वर्षीया मनकुमारी पौडेल उपचारपछि निको भएर घर फर्किसकेकी छिन् ।

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय