प्रहरीको लाठी खाएका डा. खनाल भन्छन्, ‘हामी कोरोनासँग लड्ने कि प्रहरीसँग ?’

त्रिवि शिक्षण अस्पतालका रेजिडेन्ट डाक्टरहरु खाना खाएर फर्कने क्रममा प्रहरीले तीनजना डाक्टरमाथि कुटपिट गर्ने प्रहरीलाई कारबाहीको माग गरेका छन् ।

बुधबार राति विज्ञप्ति जारी गर्दै नेशनल रेजिडेन्ट डक्टर्स एशोसियसनले लाठी प्रहार गर्ने प्रहरीलाई कारबाहीको दायरामा ल्याउन माग गरेका छन् । कारबाही अघि नबढाए कडा कदम चाल्न बाध्य हुने चेतावनी समेत दिएका छन् ।

बुधबार राती त्रिवि शिक्षण अस्पतालका तीन डाक्टरमाथि अस्पताल परिसरमा प्रहरीले प्रहार प्रहार गरेको थियो । सोही सम्बन्धमा एशोसियसनले डाक्टरमाथिको कुटपिट गर्नेलाई छानबिनको दायरामा ल्याउन माग गरेको हो ।

प्रहरीले डा. शम्भु खनाल, विकास शाह र तेजप्रसाद शाहमाथि अभद्र व्यवहार गरेको हो । तेजप्रसादको हात र ढाडमा चोट लागेको छ।

उक्त घटनाको बारेमा हेल्थपोस्ट कर्मी पुष्पराज चौलागाईंले कुटपिट भएका डा. शम्भु खनालसँग टेलिफोनमार्फत सोधखोज गरेका छन्।

डा. खनाल भन्छन :

छात्रवास नभएको कारण बाहीर डेरामा बस्नुपर्ने बाध्यता रहेको छ । खाना खाएर हामी ८ बजे क्यान्टिनबाट कोठामा पुग्न लागेका थियौँ । हामी छेउमा प्रहरीको भ्यान आयो । ३ जना सँगै हिँडिरहेका थियौँ । एक जना कान्ति बाल अस्पतालको डाक्टर हुनुहुन्थो । २ जना हामी शिक्षण अस्पतालको रहेका थियौँ ।

भिडभाड किन गरेको भन्दै भने प्रहरीहरुले सोधपुछ गर्नुभयो । हामीले खाना खाएर आएको भनेर आइडी कार्ड समेत देखायौँ । उहाँहरुले यस्तो बेलामा भीड गर्ने भन्दै ठाडो स्वरमा बोल्नुभयो । हामीले खाना खाएर पनि आउन नपाउनेँ भन्यौं । त्यसपछि प्रहरीले एकचोटी खुट्टामा लाठी प्रहार गरे । के गर्ने खोजेको प्रश्न गर्यौं । त्यसको बदलामा प्रहरी पुनः २ चोटी लाठी हान्नुभयो ।

प्रहरीले ३ जना माथि नै प्रहार गर्न खोजेको थियो तर, २ जना अगाडी भएकोले भाग्यौं । १ जना डाक्टरको दाहिने हातमा चोट लागेको छ । ढाडमा पनि प्रहार गरेको छ । शिक्षण अस्पतालमा गएर एक्सरे गरियो । तर, फ्याक्र्चर भने भएको रहेनछ ।

आइडि कार्ड देखाउँदा देखाउँदै पनि लाठ्ठी चार्ज गर्न मिल्छ ? पिट्न त पाइँदैन होला नि ? हामी कोरोनासँग लड्ने कि अब प्रहरी सँग लडेर बस्ने ? यो कस्तो प्रकारको प्रहरीको जिम्मेवारी हो ?

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय