भेरी अस्पतालमा पनि कोरोना जाँच्ने पिसिआर मेसिन

अबको एक-दुई दिनभित्रै बाँकेको भेरी प्रादेशिक अस्पतालबाट पनि कोरोना भाइरस आशंकितको चेक जाँच हुने भएको छ । कोरोना भाइरस संक्रमण जाँचका लागि प्रयोग हुने पिसिआर मेसिन आज भेरी प्रादेशिक अस्पताल नेपालगन्ज आइपुगेको छ । लामो प्रतिक्षापछि सोमबार राति काठमाडौंबाट बा. ८ च ४५५७ नम्बरको पिकअप गाडीमा लोड भएको उक्त मेसिन नेपालगन्ज ल्याइएको हो ।

अस्पतालका मेडिकल सुपरिटेण्डेण्ट डाक्टर प्रकाश बहादुर थापाका अनुसार यतिबेला पीसीआर मेसिन राख्नेकोठा मर्मत सम्भार भइरहेकोेले बुधबारबाट मेसिन जडान हुनेछ । लामो प्रतिक्षपछि नेपालगन्जमा कोरोना जाँच मेशिन आइपुगेको हो । कोरोना भाइरस संक्रमणको जोखिमका बेला नेपालगन्जको भेरी अस्पतालमै जाँच हुनेभएपछि बाँके, बर्दिया लगायतका क्षेत्रका आम नागरिकलाई राहत हुनेछ ।

बाँकेका विभिन्न क्वारेन्टिनमा यतिबेला रहेका चार सय बढी मानिस छन् । तिनीहरुमध्ये हालसम्म ३१ जनाको स्याम्पल टेस्ट गरिएकोछ । थप २३ जनाको स्याम्पल टेस्टका लागि काठमाण्डौं पठाईएकोले रिपोर्ट आउन बाँकी छ । बाँकेको बिभिन्न स्थानिय तहमा बनाईएका १५ बढी क्वारेन्टाईनमा सरदर ४ सय ५० जना रहेका छन ।

कोरोना भाइरस संक्रमण जाँचका लागि आएको मेशिन पीसिआर सञ्चालन भएलगत्तै क्वारेन्टाईनमा मात्र नभइ यसक्षेत्रका अन्य कोरोना आंशकित ब्यक्तिको समेत जाँच हुनेछ । पीसिआर मेशिनबाट कोराना भाईरस संक्रमण थाहा पाउन सजिलो र विश्वासिलो हुने भएकाले यसको सञ्चालन छिटो हुनुपर्ने जानकार बताउँछन् ।

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय