अस्ट्रेलियामा एकजना नेपालीलाई कोरोना संक्रमण

अस्ट्रेलियामा एकजना नेपालीलाई कोरोना भाइरसको संक्रमण पुष्टि भएको छ। तास्मानिया राज्यको होबार्टमा कार्यरत उनी गत फेब्रुअरी २६मा नेपालबाट फर्किएका थिए।

उनी सिङ्गापुर तथा सिड्नीमा ट्रान्जिट हुँदै होबार्ट पुगेका हुन्। एबिसी न्यूजले जनाएअनुसार जनस्वास्थ्य सेवा तास्मानियाका निर्देशक मार्क भेइचले उनको संक्रमणको पुष्टि गरेका हुन्।

फर्किँदा नै सामान्य रुघाखोकी लागेपनि उनी कुनै चेकजाँच बिना होटेलमा काम गर्न पुगेका थिए। २० वर्षीय उनी कलेज पनि पढ्छन्।

त्यहाँका स्वास्थ्यअधिकारीहरुले उनीसँग सम्पर्कमा आएका होटेलका अन्य मानिसलाई पनि क्वारेन्टाइनमा राखिने बताएका छन्।अस्ट्रेलियामा अहिलेसम्म ५५ जनालाई कोरोना संक्रमण पुष्टि भइसकेको छ।

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय