कोरोना रोक्न कांग्रेस सभापतिद्वारा सरकारको ध्यानाकर्षण

शेरबहादुर देउवा।

नेपाली कांग्रेसका सभापति शेरबहादुर देउवाले कोरोना भाइरसको संक्रमणको जोखिम नियन्त्रण गर्न सरकारको ध्यानाकर्षण गराएका छन्।

प्रतिनिधिसभाको आइतबारको बैठकमा विशेष समय लिएर बोलेका सभापति देउवाले कोरोना भाइरसको संक्रमण फैलिन नदिन आवश्यक सुरक्षाका लागि सम्पूर्ण प्रबन्ध गर्न सरकारसँग आग्रह गरेका हुन्।

‘कोरोना भाइरसको संक्रमण ५० भन्दा धेरै देशमा फैलिसकेको छ, विश्व स्वास्थ्य संगठनले पनि नेपाल उच्च जोखिममा रहेको बताइसकेको छ,’ देउवाले भने, ‘कोरोना भाइरसको संक्रमण फैलिन नदिन उच्च सुरक्षा सतर्कता अपनाउन सरकारको ध्यानाकर्षण गराउँछु।’

नेपालसहित विश्वभरि रहेका नेपालीहरूलाई सुरक्षित रहन देउवाले अपील गरेका छन्।

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय