चीनभन्दा बाहिर देशमा बढ्दै कोरोना–संक्रमण

चीनपछि कोरिया, युरोप तथा खाडी देशहरुमा कोरोना भाइरस(कोभिड–१९)को संक्रमण बढ्न थालेको छ। चीनले करिब १४ प्रतिशत बिरामी निको भइसकेको दाबी गरेको छ।

कोरोना भाइरसको उद्गमस्थल उहान तथा हुवेइ प्रान्तमा दिनहुँजसो संक्रमितको संख्या घट्न थालेको छ भने विश्वका अन्य देशमा बढ्न थालेको छ।
चीनपछि विश्वका अन्य देशमा यसरी भाइरसको संक्रमण बढ्न थालेपछि विश्व स्वास्थ्य संगठनले थप चिन्ता व्यक्त गरेको छ।

‘यो अवस्थामा विश्वका कुनै पनि देश भाइरस छिर्न सक्दैन भनेर बस्न मिल्दैन’ विश्व स्वास्थ्य संगठनका महानिर्देशक डा.महानिर्देशक टेड्रस एड्हानोम गेहब्रेयससले भनेका छन् ‘अब हरेक देश निकै प्रतिवद्ध भएर यो भाइरसका विरुद्ध जुध्ने बेला आएको छ।’

साउदी अरबले विश्वका विभिन्न सात देशका लागि पर्यटकहरुलाई निषेध गरेको छ। केही समयका लागि भन्दै उसले चीन, इटली, कोरिया, जापान, मलेसिया, सिङ्गापुर तथा काजकस्तान देशबाट आउने पर्यटकका लागि भिसा बन्द गरेको छ।

यसअघि उसले देशमा हुने धार्मिक समारोहमा विदेशी मुलुकका धार्मिक यात्रीलाई पनि भिसा बन्द गरिसकेको छ।
साउदीमा अहिलेसम्म १३ जना मानिस भाइरसबाट संक्रमित भएका छन्।

त्यस्तै जापानले आगामी एक महिनाका लागि विद्यालयहरु बन्द गरेको छ। जापानमा १८६ जना मानिस संक्रमित भएका छन् भने ४ जनाको मृत्यु भएको छ। जापानका १४ प्रान्तमा यो भाइरसको संक्रमण देखिएको छ।

त्यस्तै इरानमा २६ जनाको मृत्यु भएको छ भने २ सय ४५ जना मानिस संक्रमित भएका छन्। इटलीमा १७ जनाको मृत्यु भएको छ भने ६५० जना मानिस संक्रमित भएका छन्।
त्यस्तै दक्षिण कोरियामा १३ जना संक्रमितको मृत्यु भइसकेको छ भने २०२२ जना मानिसमा संक्रमण पुष्टि भएको छ। त्यस्तै हङकङमा २ जना मानिसको मृत्यु भएको छ भने फिलिपिन्समा १ जनाको मृत्यु भएको छ। हङकङमा ९३ जना मानिसको मृत्यु भएको छ।

अमेरिकामा ६० जना मानिस संक्रमित भएका छन्। अमेरिकामा भाइरससँग सम्बन्धित औषधिको अभाव देखिएको विभिन्न सञ्चारमाध्यमहरुले जनाएका छन्।

एजेन्सीहरुकाे सहयाेगमा

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय