विद्यार्थीबाट असुलिएको पैसा चाँडै फिर्ता गर : डा. केसी

डा. गोविन्द केसीले गैरकानुनीरुपमा मेडिकल कलेजहरुले विद्यार्थीबाट लिएको पैसा फिर्ता गर्न माग गरेका छन्।

एक विज्ञप्ती निकाल्दै डा. केसीले सरकारले पैसा फिर्ता गराउने बचा गरेपनि फिर्ता गर्नुको सट्टा कुनै न कुनै बाहानाबाट थप पैसा असुलिरहेको बताएका छन्।

‘पछिल्लो समय अवैध शुल्कको असुलीविरुद्ध विद्यार्थीहरुले आन्दोलन गरेर ठूलो मुल्य चुकाएका छन् । त्यस क्रममा सरकारले अवैध रुपमा असुलिएको रकम फिर्ता गराउने वाचा पनि गरेको छ’ उनले भनेका छन् ‘तर फेरि पनि मुख्य राजनीतिक दलका नेताहरुको मेडिकल माफियासँगको साँठगाँठ र संरक्षणका कारण शुल्क फिर्ता गर्नु त कता कता, नयाँ भर्ना हुन आएका विद्यार्थीहरुसँग करोडौं बढी असुल्ने प्रयास भइरहेको छ।’

विज्ञप्तीमा उनले मेडिकल कलेजले गैरकानुनी रुपमा असुले रकम फिर्ता नगरिए र विगतमा भएका अन्य सम्झौताहरु पालना नगरिए ‘कडा आन्दोलन’को चेतावनी पनि दिएका छन्।

‘यस्तो गम्भीर आर्थिक अपराध भइरहँदा रमिते बनेर बस्ने हो भने आयोगका अध्यक्ष रहेका प्रधानमन्त्री र उपाध्यक्षको नैतिकता र कार्यक्षमतामाथि पुनः एकचोटि प्रश्न उठ्ने निश्चित छ’ विज्ञप्तीमा भनिएको छ ‘साथै चिकित्सा शिक्षा ऐनलाई जनता र विद्यार्थीमुखी हुने गरी संशोधन गर्ने लगायत हामीसँग विगतमा भएका सबै सम्झौताहरु कार्यान्वयन गर्न पनि सरकारको ध्यानाकर्षण गराउँछौं । त्यसो नभएमा कुनै पनि बेला आन्दोलनका कडा कार्यक्रमहरु ल्याउन बाध्य हुने जानकारी गराउँछौं ।’

डा. केसीकाे प्रेस विज्ञप्ती :

प्रेस विज्ञप्ति
स्वास्थ्य र चिकित्सा शिक्षा क्षेत्र सुधार तथा सुशासनका लागि हामी लामो समयदेखिख संघर्षरत छौं । हाम्रै अभियानको दबाबका कारण राज्य मेडिकल शिक्षाका विभिन्न कोर्सहरुको शुल्क तोक्नेदेखि चिकित्सा शिक्षा ऐन ल्याउनेसम्मका काम गर्न बाध्य भएको छ । तर भ्रष्ट र आपराधिक राजनीतिक नेतृत्वका कारण हरेक पाइलामा विद्यार्थी र अभिभावकहरुलाई ठग्ने, मेडिकल माफियालाई पोस्ने र हामीसँग भएको सम्झौता उल्लंघन गर्ने सिल्सििला चलेको छ ।

पछिल्लो समय अवैध शुल्कको असुलीविरुद्ध विद्यार्थीहरुले आन्दोलन गरेर ठूलो मुल्य चुकाएका छन् । त्यस क्रममा सरकारले अवैध रुपमा असुलिएको रकम फिर्ता गराउने वाचा पनि गरेको छ । तर फेरि पनि मुख्य राजनीतिक दलका नेताहरुको मेडिकल माफियासँगको साँठगाँठ र संरक्षणका कारण शुल्क फिर्ता गर्नु त कता कता, नयाँ भर्ना हुन आएका विद्यार्थीहरुसँग करोडौं बढी असुल्ने प्रयास भइरहेको छ ।

यसबाट देशमा दण्डविहीनता कति छ भन्ने त देखिन्छ नै अपराधी र माफियाहरु राज्यको प्रत्यक्ष संरक्षणमा छन् भन्ने पनि पुष्टि हुन्छ । यो अवस्थामा कुनै विलम्ब नगरी विद्यार्थीलाई अवैध रुपमा असुलिएको रकम फिर्ता नगर्ने तथा नयाँ विद्यार्थीसँग कुनै पनि वहानामा अवैध शुल्क लिन खोज्ने मेडिकल कलेजहरुको सम्बन्धन खारेजसम्ँम गर्ने कदम चाल्न चिकित्सा शिक्षा आयोगको ध्यानाकर्षण गराउँछौं ।

यस्तो गम्भीर आर्थिक अपराध भइरहँदा रमिते बनेर बस्ने हो भने आयोगका अध्यक्ष रहेका प्रधानमन्त्री र उपाध्यक्षको नैतिकता र कार्यक्षमतामाथि पुनः एकचोटि प्रश्न उठ्ने निश्चित छ । साथै चिकित्सा शिक्षा ऐनलाई जनता र विद्यार्थीमुखी हुने गरी संशोधन गर्ने लगायत हामीसँग विगतमा भएका सबै सम्झौताहरु कार्यान्वयन गर्न पनि सरकारको ध्यानाकर्षण गराउँछौं । त्यसो नभएमा कुनै पनि बेला आन्दोलनका कडा कार्यक्रमहरु ल्याउन बाध्य हुने जानकारी गराउँछौं ।

-डा गोविन्द केसी

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय