प्रगतिशील समूहबाट महासचिवका उम्मेदवारको निरन्तर अवरोधपछि चिकित्सक संघको मतगणना अनिश्चित कालका लागि स्थगित

डा. मधुर बस्नेत

नेपाल चिकित्सक संघ (एनएमए)को नयाँ कार्यकारिणी समितिका लागि निर्वाचन सकिएको २४ घण्टाभन्दा बढी बितिसक्दा पनि सुरु नै नभई स्थगित भएको छ । महासचिवका चार मध्ये एक जना उमेदवार डा. मधुर बस्नेतले एकपछि अर्को अस्वाभाविक माग तेर्स्याएर समग्र मतगणनालाई अगाडि बढ्न दिइरहेका छैन् । उनी सत्तापक्षीय प्यानलका उमेदवार हुन् । बुधबार विहान ८ बजेदेखि नै एकपछि अर्को माग राख्दै मतगणनालाई रोक्दै आएका डा. मधुर बस्नेतले साँझ सहमतिपछि मत गणना सुरु गर्ने भनेपछि मतपेटिका खोलेपछि भने नयाँ नयाँ माग अगाडी सारेका थिए ।

योसँगै निर्वाचन समिति खोलिसकेको मतपत्र पुनः लाहछाप लगाएर मतपेटिकामा खन्याएर मतगणना स्थगित गरिएको छ । पछिल्लोपटक उनले जिल्लाबाहिर र काठमाडौँका सम्पूर्ण मतदाताको सूची हेर्न पाउँनुपर्ने माग राखेका छन् । साँझ बस्नेतले आफ्नै फेसबुकमार्फत् पनि चारर बुँदे फरक मतसहित मतगणना सूचारु गर्न सहमत भएको उल्लेख गरेका थिए । सोअनुसार प्रगतीशील समूहको पकड रहेको मानिएको सुरुमा लुम्बिनी, दाङ, जुम्ला र सूर्खेत शाखाका मतगणना सुरु गर्ने सहमति भएको थियो ।

तर मतपत्रसमेत मिलाएर गणना थाल्नै लाग्दा उनी फेरी आक्रामक रुपमा प्रस्तुत भएका थिए । मतगणनास्थलमा उपस्थित चिकित्सकहरु बस्नेतलको ढिंपी अस्वाभाविकमा बढ्दै गएको भन्दै शंसकीत भएका छन् । विशेषगरी नेकपाभित्र पनि पूर्व माओवादी खेमाबाट महासचिवमा उमेदवार बनेका बस्नेतमाथि अन्तघातको आशंका गरिएको छ । प्रगतीशील प्यानलको भोट स्वतन्त्र भनिएका नेकापा निकटकै उमेदवार डा.दिपेन्द्र पाण्डेले पाएको अनुमान धेरैको छ । यस्तो अवस्थामा बस्नेतको एक्लो ढिंपी अस्वाभाविक भएको प्रगतीशील समूहकै चिकित्सकसमेत आश्चर्यमा परेका छन् ।

उनको यो ढिंपीको आडमा निर्वाचनमा सत्ताको हस्तक्षेप निम्त्याउन खोजिएको त हैन् भन्ने आशंका पैदा भएको लोकतान्त्रिक प्यानलका चिकित्सकहरुको आशंका छ । दिनभर डा. बस्नेतसहित प्रगतीशील समूहका केही चिकित्सकले गणना गरिएका प्रत्येक भोट प्रोजेक्टरमा देखाउँनुपर्ने, मतगणना एकै ठाउँबाट हुनुपर्ने जस्तामा माग राखेर मतगणना रोकेका थिए ।

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय