डा. केसीको स्वास्थ्य अवस्था गम्भीर, अस्पताल सारियो

डढेल्धुराको एक निजी घरमा पाँच दिनदेखि आमरण अनशनरत डा. गोविन्द केसीको स्वास्थ्य अवस्था गम्भीर भएपछि शुक्रबार साँझ अस्पतालमा सारिएको छ । परीक्षणका क्रममा रक्तचाप न्युन हुनुकासाथै छातिको अत्यधिक दुःखाई र मुटुको चालमा समेत गढबडी देखिएपछि उनलाई अस्पताल सारिएको हो ।
साँझ ८ः१५ बजे प्रदेश सासंद कर्णबहादुर मल्लसहित आफन्त र नागरिक अगुवाको रोहभरमा डा. केसीलाई अस्पताल सारिएको हो । उनलाई अस्पताल सार्नुअघि मल्लसहित भाई किशोर केसी, नागरिक समाज संयोजक रमेशप्रसाद जोशीलगायतले हस्ताक्षर गरेर स्वास्थ्य अवस्था प्रतिकुल भएको र अस्पताल सार्नुपर्ने देखिएको भन्दै सार्ने निर्णय गरेका थिए ।

चिकित्साशिक्षा सुधारसम्बन्धी ७ बुँदे माग राखेर उनी कार्तिक १७ गतेदेखि डढेल्धुराको एक फार्मेसी रहेको घरको चिसो कोठामा अनसन सुरु गरेका थिए । चिकित्साशिक्षासम्बन्धी ऐन संसोधन, मेडिकल विद्यार्थीसँग लिएको अतिरिक्त शुल्क फिर्तासहितका माग राखेर अनशन थालेका थिए । डा. केसीले सुरुमा नेपाल चिकित्सक संघको भवनमा अनशन थाल्ने योजना बनाएपनि संघ नेतृत्वले सहयोग नगरेपछि उनीले अनशनका लागि डढेल्धुरा गएका थिए ।

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय