डा. केसीको सत्याग्रहमा प्रतिपक्षी कांग्रेसको ऐक्यबद्धता, डडेल्धुरा सभापतिले गरे समर्थनको अपिल

चिकित्साशिक्षा सुधार तथा विधिको शासन स्थापनाको माग राख्दै डा. गोविन्द केसीले सोमबारदेखि सुरु गरेको १७औँ सत्याग्रहमा प्रमुख प्रतिपक्षी दल नेपाली कांग्रेस, डडेल्धुराले ऐक्यबद्धता जनाएको छ । अनशनको दोस्रो दिन मंगलबार कांग्रेसले डा. केसीको सत्याग्रहमा समर्थन जनाएको हो । डा. केसी सुदूरपश्चिमको डडेल्धुरामा सोमबारदेखि अनशनमा छन् ।

सुदूरपश्चिम प्रदेश सभा सदस्य तथा नेपाली कांग्रेस डडेल्धुराका सभापति कर्णबहादुर मल्लले जिल्ला सदरमुकाममा अनशनरत डा. केसीलाई भेटेर उनको सत्याग्रहप्रति ऐक्यबद्धता जनाए । भेटका क्रममा उनले डा. केसीको पवित्र महाअभियानमा डडेल्धुरा कांग्रेसको साथ रहेको बताए । साथै, उनले गरिबको स्वास्थ्यका लागि थालिएको डा. केसीको अभियानमा सहयोग गर्न सम्पूर्ण सुदूरपश्चिमवासीमा अनुरोधसमेत गरे । डडेल्धुरा प्रमुख प्रतिपक्षी दलका नेता तथा कांग्रेस सभापति एवम् पूर्वप्रधानमन्त्री शेरबहादुर देउवाको गृहजिल्ला हो । देउवा ०४८ सालदेखि निरन्तर डडेल्धुराबाट संसद्मा निर्वाचित हुँदै आएका छन् ।

जिल्ला सदरमुकामस्थित डडेल्धुरा अस्पतालबाट एक सय मिटरको दूरीमा रहेको एक निजी घरमा डा. केसी अनशन बसिरहेका छन् । निर्मल क्लिनिक सञ्चालनमा रहेको सो घरको तेस्रो तलामा साँझ ५ अनशन सुरु गर्नुअघि डा. केसीले सोमबार नै पत्रकारसम्मेलन गरेर आफ्ना मागबारे जानकारी गराएका थिए ।

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय