शल्यचिकित्सकको साहित्यसाधना

भरतपुर अस्पतालका प्रा.डा. कृष्णप्रसाद पौडेल चितवनका व्यस्त चिकित्सक हुन् । अस्पतालमा मेसुको समेत जिम्मेवारी सम्हालिसकेका पौडेलको फेसबुक पेजमा नियमित कविता तथा लघुकथाहरू पढ्न सकिन्छ । दिनभर बिरामीको उपचारमा तल्लीन हुने पौडेल फुर्सदको समयमा कथा, कविता, निबन्ध तथा विभिन्न समसामयिक लेख लेख्ने गर्छन् । पौडेल समाजमा देखे–भोगेका कुराहरूलाई समेटेर साहित्य सिर्जना गर्दै आएका छन् ।

‘खुसीहरूको वनवास’ पौडेलको दुई वर्षअघि प्रकाशित कविता–संग्रह हो । ३९ कविता संगृहीत यो कृति ०७४ मा बजारमा आइसकेको छ । उनका विभिन्न यात्रासंस्मरण तथा लेखहरू पनि प्रकाशित छन् । उनका अन्य एक दर्जन कविता, मुक्तक, हाइकु, अरुणको तिरैतिर २०५३, गुर्खाले शिर उँचो पार्दा २०६७, सिड्नी भ्रमण : बिर्सन नसकिने दृश्यहरू २०७१, सोरोची नदीको किनारैकिनार जापानको पुरानोतिर नेपाली चिकित्सक २०७२ यात्रा संस्मरण प्रकाशन भइसकेका छन् । कालान्तर २०४५ लघुकथा, होली २०५४ लेख र कम्मरको दुखाइ निबन्ध पनि पौडेलबाट जन्मिसकेका छन् ।

भरतपुर अस्पतालमा अर्थोपेडिक र स्पाइनल सर्जनका रूपमा कार्यरत पौडेल १९ वर्षदेखि चिकित्सा पेसामा आबद्ध छन् । पौडेलले यसअघि पर्वत अस्पताल र रत्ननगर अस्पतालमा मेडिकल सुपरिटेन्डेन्टको जिम्मेवारीमा रही कार्यसम्पादन गरिसकेका छन् ।

पौडेलले हाडजोर्नी र मेरुदण्डमा हुने ट्युमरबारे लेख लेखेका छन् । यस्तै, पौडेलका मेडिकल शिक्षाबारे हाम्रो ध्यान, डाक्टर विज्ञापन नगर, स्पाइनल इन्जुरी र पुनःस्थापना केन्द्रको आवश्यकता, चिकित्सकहरूप्रति किन असहिष्णु बन्दै छ समाज, सामुदायिक स्वास्थ्यबिमा एक विश्लेषण, डाक्टरमाथिको आक्रमण चिन्ताको विषय, डाक्टरको हड्ताल र केही प्रसंगहरू, के समाजवाद आउला ? लगायत लेखहरू प्रकाशित छन् । केही निबन्ध र कविता–संग्रह प्रकाशनको चरणमा रहेको पौडेल बताउँछन् ।

वि.सं. २०२९ साल कात्तिक १४ गते पदमपुरमा जन्मिएका पौडेलले साहित्यमा पुर्याएको योगदानको कदर गर्दै विभिन्न संघ–संस्थाले उनलाई सम्मानसमेत गरेका छन् । यसै वर्ष भनुजयन्तीका अवसरमा रत्ननगर नगरपालिका र वाल्मीकि साहित्य सदनले साहित्यकार पौडेललाई नगद राशिसहित सम्मानित गरे । चितवनमा भएका छुट्टाछुट्टै कार्यक्रममा पौडेलको कविता ‘खुसीहरूको वनवास’लगायत साहित्यका विविध विधामा कलम चलाएर नेपाली साहित्यको भण्डार मजबुत बनाउनमा पुर्याएको अमूल्य योगदानको कदर गर्दै उनलाई सम्मान गरिएको थियो ।

जनस्वास्थ्य, मानवसेवा, समाजसेवामा निरन्तर सक्रिय पौडेलले चितवनको पर्यटकीय नगरी सौराहा र रत्ननगरको पर्यटन क्षेत्रको विकासका लागि कला र साहित्यको क्षेत्रमा योगदान पुर्याएकाले उनलाई सम्मान गरिएको रत्ननगर नगरपालिकाका मेयर नारायण वनले बताए । सम्मान ग्रहणपछि पौडेलले स्वास्थ्यक्षेत्रमा समाजका लागि केही योगदान गर्ने अवसरसँगै सिर्जना र साहित्यको क्षेत्रमा पनि कलम चलाउन हौसला मिलेको प्रतिक्रिया दिए । पौडेलले सम्मानसँगै पाएको नगत पुरस्कार १० हजार रूपैयाँ भानु प्रेरण पुस्तकालयलाई सहयोगस्वरूप प्रदान गरे ।

उनका अन्य एक दर्जन कविता, मुक्तक, हाइकु, अरुणको तिरैतिर २०५३, गुर्खाले शिर उँचो पार्दा २०६७, सिड्नी भ्रमण ः बिर्सन नसकिने दृश्यहरू २०७१, सोरोची नदीको किनारैकिनार जापानको पुरानोतिर नेपाली चिकित्सक २०७२ यात्रा संस्मरण प्रकाशन भइसकेका छन् । कालान्तर २०४५ लघुकथा, होली २०५४ लेख र कम्मरको दुखाइ निबन्ध पनि पौडेलबाट जन्मिसकेका छन् ।

भरतपुर अस्पतालमा अर्थोपेडिक र स्पाइनल सर्जनका रूपमा कार्यरत पौडेल १९ वर्षदेखि चिकित्सा पेसामा आबद्ध छन् । पौडेलले यसअघि पर्वत अस्पताल र रत्ननगर अस्पतालमा मेडिकल सुपरिटेन्डेन्टको जिम्मेवारीमा रही कार्यसम्पादन गरिसकेका छन् ।

पौडेल विभिन्न सामाजिक संघ–संस्थामा पनि सक्रिय रूपमा आबद्ध छन् । उनी नेपाल चिकित्सक संघको केन्द्रीय सदस्यसमेत हुन् । अहिले भानु प्रेरण पुस्तकालय बकुलहरको अध्यक्ष छन् । पौडेल रोटरी क्लब चितवनको उपाध्यक्षको जिम्मेवारीमा छन् । उनी चितवन साहित्य परिषद्को आजीवन सदस्यसमेत हुन् ।

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय