मुटुको एन्जियोग्राफी गर्ने क्रममा बेहोस विराटनगरका बालरोग विशेषज्ञ ९ दिनदेखि भेन्टिलेटरमा

मुटुका धमनीहरुको अवरोधको जाँच एन्जियोग्राफी गर्ने क्रममा वेहोस भएका विराटनगरका एक चिकित्सकको ९ दिनदेखि भेन्टिलेटरमा राखेर उपचार भइरहेको छ । कोसी अञ्चल अस्पतालमा कार्यरत बरिष्ठ बालरोग विशेषज्ञ डा. विमल अग्रवालको नोवल मेडिकल कलेजमा एन्टियोग्राफी गर्ने क्रममा वेहोस हुन पुगेका थिए । अस्पतालले आधिकारीक रुपमा कुनै प्रतिक्रिया नदिएपनि आफन्तले भने एन्जियोग्राफीका क्रममा धमनीमा रहेको अबरोध चलेपछि स्ट्रोक भएको र समयमै उपचार नहुँदा ज्यान जोखिममा परेको आरोप लगाएका छन् ।

एन्जियोग्राफीका समयमा हल्का बेहोस बनाएर प्रोसस गरिरहँदासम्म बोलिरहेका भनिएका अग्रवाल केहीबेरमा बेहोस भएको भनाई परिवार र आफन्तको छ । वेहोस भएपछि तत्काल ब्रेन स्ट्रोकको उपचार हुन नसक्दा स्वास्थ्य जोखिम आइपरेको डा. अग्रवालका मामा प्रदीप अग्रवालले बताए ।
परिवारका अनुसार अघिल्लो शनिबार छाती दुखेपछि सुरुमा डा. अग्रवालले घरैमा पेनकिलर र ग्याष्ट्रिकको औषधि लिएका थिए । आइतबार अञ्चल अस्पताल अगाडिको क्लिनिकमा इजिजी गराएका थिए । तर सुरुको इसिजीपछि उनी आफै सवारी चलाएर श्रीमतीसहित नोवल मेडिकल कलेज शिक्षण अस्पताल पुगेका थिए ।

सो क्रममा अस्पतालमा उनको इसिजी र टिएमटी गराएका थिए । दुबै रिपार्टपछि मुटुरोग विशेषज्ञ डा. राजेश नेपालको सोही दिन एन्जियोग्राफी गर्न सुझाब दिएका थिए । तर उनी सो दिन एन्जियोग्राफी नगरी घर फर्किएका थिए । मंगलबार पुनः उनी एन्जियोग्राफीका लागि अस्पताल पुगेका थिए ।
परीक्षणका क्रममा जटिलता थपिएपछि त्यसको समयमै उपचार नगरी ज्यान जोखिममा परेको र चिकित्सकको कम्जोरी देखिएको आरोप आफन्तहरुको छ ।

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय