मानव अंग प्रत्यारोपण केन्द्रबाट १० नर्स पक्राउ

शान्तिपूर्ण धर्नाको तयारीमा रहेका सहिद धर्मभक्त मानव अंग प्रत्यारोपण केन्द्रका १० नर्सलाई प्रहरीले पक्राउ गरेको छ । ११ वैशाखदेखि विभिन्न माग राखेर चरणबद्ध आन्दोलनरत नर्सलाई शुक्रबार बिहानै भक्तपुर प्रहरीले पक्राउ गरेको हो ।

लामो समयदेखि धर्नालाई निरन्तरता दिइरहेका नर्सहरू शुक्रबारको धर्नाबारे छलफलमा जुटिरहँदा प्रहरीले पक्राउ गरेको हो । पक्राउ परेका मध्ये सिर्जना दली, संगीता मास्के, सजना दौलालाई जगाती प्रहरी वृत्तमा राखिएको छ । अन्य सातजना विना खर्बुजा, अनु शाही, कान्ति कुमार, सविना मानन्धर, रविना कुशुना बजु, मीना श्रेष्ठ, रमिता लामालाई भक्तपुर प्रहरी प्रभागमा राखिएको छ ।

अस्पतालमा ५ वर्षभन्दा बढी काम गरेका नर्सलाई स्वतः स्थायी गर्नुपर्ने, अनियमितताको छानबिन गरिनुपर्नेलगायत माग राखेर नर्सहरू पछिल्लोपटक तीन साताभन्दा अघिदेखि आन्दोलनमा छन् ।

अस्पताल प्रशासनको दबाब र प्रभावमा प्रहरीले शान्तिपूर्ण धर्ना बिथोल्न आफूहरूलाई पक्राउ गरिएको आरोप आन्दोलनरत नर्सको छ । उनीहरूले अस्पताल प्रशासन वार्ता र इमानदार पहलबाट समस्या समाधान गर्नभन्दा राज्यशक्तिको दुरूपयोग गरेर आन्दोलन दबाउन लागेको नर्सहरूको आरोप छ ।

अस्पतालकै दुई नर्स डिकी शेर्पा र जिता बराल ८ दिनदेखि आमरण अनशनमा छन् । उनीहरूमा मुटुको चालमा गढबडी, रक्तचापमा कमी, श्वासप्रश्वासमा समस्या र संक्रमणको जोखिम उच्च रहेको चिकित्सकहरूले बताएका छन् ।

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय