समायोजनमा स्वास्थ्यका ८ ट्रेडयुनियनले औँल्याए ८ त्रुटि, नसच्याए आन्दोलन

समायोजन ऐन र स्वास्थ्यसेवा ऐनको मर्म र मापदण्डविपरीत स्वास्थ्यका कर्मचारीको समायोजन गरिएको भन्दै त्यसलाई स्थगन गरी विधि र प्रक्रियासम्मत समायोजन गर्न स्वास्थ्यका आठवटा ट्रेडयुनियनले सरकारको ध्यानाकर्षण गराएका छन् । ऐनअनुसार सरकारले पटक–पटक समायोजनका लागि प्रयास गर्दा पनि विवाद साम्य नभई समाधान ननिस्किएको अवस्थामा पछिल्लो समायोजनमा ८ त्रुटिसहित स्वस्थ्यकर्मीहरूले यस्तो माग आगाडि सारेका हुन् ।

उनीहरूले समायोजन प्रक्रियालाई तत्काल स्थगन गरेर स्वास्थ्यसेवा ऐन, नियम र समायोजन ऐनको मर्म, भावना र मापदण्डअनुसार समायोजन गर्नुपर्ने माग सरकारसामु तेस्र्याएका छन् । ट्रेडयुनियनहरूले सोमबारै स्वास्थ्य तथा जनसंख्याराज्यमन्त्री डा. सुरेन्द्र यादवलाई भेटेर ज्ञापनपत्रसमेत बुझाएका छन् । उनीहरूले स्वास्थ्यका लागि छुट्टै सफ्टवेयर निर्माण गर्न, त्यसैका आधारमा अन्तिम ज्येष्ठता र दरबन्दी तेरिजको सूचना निकालेर मात्रै समायोजन टुंग्याउन माग गरेका छन् ।

ट्रेडयुनियनहरूले समायोजन प्रक्रियालाई तत्काल स्थगन गरेर स्वास्थ्य सेवाऐन, नियम र समायोजन ऐनको मर्म, भावना र मापदण्डअनुसार समायोजन गर्न माग अगाडि सारेका छन् । उनीहरूले सोमबारै स्वास्थ्य तथा जनसंख्याराज्यमन्त्री डा. सुरेन्द्र यादवलाई भेटेर ज्ञापनपत्रसमेत बुझाएका छन् ।

विधिविपरीत जबर्जस्ती समायोजन गरेमा बाध्य भएर सम्पूर्ण स्वास्थ्यकर्मी आन्दोलनमा जाने चेतावनी उनीहरूको छ । संयुक्त ज्ञापनपत्रमा नेपाल स्वास्थ्यकर्मी संघका तर्फबाट अध्यक्ष रामजी घिमिरे, राष्ट्रिय स्वस्थ्यकर्मी संघ, नेपालका तर्फबाट अध्यक्ष भक्तिमान सुब्बा, मधेसी स्वास्थ्यकर्मी फोरमका तर्फबाट अध्यक्ष बालकिशोर यादव, नेपाल राष्ट्रिय स्वास्थ्यकर्मी संगठनका तर्फबाट अध्यक्ष चित्रजंग शाही, नेपाल स्वास्थ्य प्राविधिक संघका तर्फबाट अध्यक्ष हरिबहादुर कुँबर, अखिल नेपाल प्रगतिशील स्वास्थ्यकर्मी संगठनका तर्फबाट क्षेत्रराज कार्की, नेपाल स्वास्थ्यकर्मी युनियनका तर्फबाट वरिष्ठ उपाध्यक्ष नानीमैया दहाल र हेल्थ असिस्टेन्ट एसोसिएसन अफ नेपालका तर्फबाट अध्यक्ष दाताराम अधिकारीले हस्तक्षर गरेका छन् ।

ती संगठनहरूले ऐनको भावनाविपरीत समायोजन गरिएको, स्वास्थ्यसेवाको छुट्टै सफ्टवेयर निर्माण नगरी समायोजन गरिएको, आवेदनका लागि पर्याप्त समय नदिइएको, अन्तिम सूची प्रकाशित नगरी समायोजन गरिएको, दरबन्दी यकिन नगरी समायोजन गरिएकोलगायत त्रुटि औँल्याएका छन् । त्यसैगरी, श्रीमान् श्रीमती, अवकाश हुनै लागेको, गम्भीर प्रकृतिका बिरामी, बसोवास स्थानदेखि सुत्केरी गर्भवतीसमेतको ख्याल नगरी समायोजन गरिएकाले पनि सच्याउनुपर्ने भनाइ उनीहरूको छ । यस्ता त्रुटिका कारण समग्र स्वास्थ्यसेवा प्रभावित हुने, स्वास्थ्यक्षेत्रबाट प्राप्त उपलब्धिसमेत गुम्ने खतरा भई स्वास्थ्यसेवा प्रवाह गर्नै समस्या देखिने चेतावनी स्वास्थ्यकर्मीहरूको छ ।

 

One thought on “समायोजनमा स्वास्थ्यका ८ ट्रेडयुनियनले औँल्याए ८ त्रुटि, नसच्याए आन्दोलन

  1. सर्लाही को अ.हे.व.बाग्लुङ कसरी समायोजन म पुग्यो?
    समायोजन को कुन एमनियम अनुसार भयो

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय