१३ वर्षअघि नै मृत्यु भएका कर्मचारीको समेत सरकारले ग-यो समायोजन, शिरीष स्वास्थ्यचौकीले सप्रमाण दियो उजुरी

सरकारले कर्मचारी समायोजनमा चरम लापरबाही गरेको खुलेको छ । यतिसम्म कि संघीय मामिला तथा सामान्य प्रशासन मन्त्रालयले केही दिनअघि सार्वजनिक गरेको स्वास्थ्यका कर्मचारीको समायोजन सूचीमा १३ वर्षअघि नै मृत्यु भइसकेका कर्मचारीलाई समेत स्वास्थ्यचौकीमा खटाएको पाइएको छ ।

सामान्यले सार्वजनिक गरेको समायोजन सूचीमा चौथो तहका अहेव टेकबहादुर पाललाई डडेल्धुरा जिल्लाको शिरीष स्वास्थ्यचौकीमा खटाइएको छ । तर, पालको १३ वर्षअघि नै २७ माघ २०६३ मा निधन भइसकेको थियो ।

दशकअघि मृत्यु भइसकेका कर्मचरीलाई आफ्नो कार्यालयमा खटाइएको जानकारी पाएपछि शिरीष स्वास्थ्यचौकीले प्रमाणसहित मन्त्रालयमा उजुरी गरेपछि घटना सार्वजनिक भएको हो । कार्यालयले स्वर्गीय दासका घरपरिवारसित सम्पर्क गरी निजको पारिवारिक निवृत्तिभरणको प्रमाणपत्रसहित मन्त्रालयमा गुनासो दर्ता गराएको छ ।

साबिकको देवल दिव्यपुर–७, डडेल्धुरा स्थायी घर भएका अहेव दासको निधनपछि उनकी पत्नी जन्तरीदेवी पालले पारिवारिक निवृत्तिभरण बुझ्दै आएकी छिन् । तर, सरकारले मृत्युको यति लामो समय बितिसक्दा पनि सरकारी रेकर्डमा दासलाई कार्यरत कर्मचारीकै सूचीमा राखिरहनु र समायोजनमा पठाउनुले सरकारी संयन्त्रको नाजुक स्थिति र चरम अस्तव्यस्ततालाई उजागर गर्छ ।

Leave a Reply

Your email address will not be published. Required fields are marked *

सम्बन्धित समाचार

  • ताजा समाचार
  • जनप्रिय