स्वास्थ्यमा ७, ८, ९, १०औँ तहका १६१४ कर्मचारीको समायोजन सूची सार्वजनिक (सूचीसहित)

हेल्थपोस्ट नेपाल

लामो समयको संघर्षपछि संघीय मामिला तथा सामान्य प्रशासन मन्त्रालयले पुनःसंरचित संगठन संरचनाअनुसार समायोजनमा परेका स्वास्थ्यसेवाका कर्मचारीहरुको आंशिक सूची सार्वजनिक गरेको छ । समायोजनका विषयमा कर्मचारीको असन्तुष्टि र केही प्राविधिक कठिनाइका कारण एकैपटक पूर्ण सूची सार्वजनिक गर्न नसक्ने अवस्था देखेपछि केही दिनदेखि आंशिक सूची सार्वजनिक गर्ने तयारीमा लागेको सामान्यले मंगलबार स्वास्थ्यका सातौँ, आठौँ, नवौँ र १०औँ तहका कर्मचारीको समायोजन सूची सार्वजनिक गरेको हो । तीन तहका गरी जम्मा १ हजार ६ सय १४ कर्मचारी समायोजनमा परेका हुन् ।

सूची सार्वजनिकसँगै सरकार र कर्मचारी दुवैको टाउकोदुखाइको विषय बनेको समायोजनले लामो प्रसववत् वेदना पार गर्दै आंशिक रुपमै भए पनि परिणामलाई जन्म दिएको छ । यद्यपि, पुनःसंरचित संरचना र समायोजनको विषयलाई लिएर संघीयता कार्यान्वयनमै चुनौती दिने गरी आन्दोलन गरिरहेका चिकित्सक तथा स्वास्थ्यकर्मीले सामान्यको निर्णय कार्यान्वयनमा सहयोग गर्छन् वा विरोधमा उत्रिन्छन् भने हेर्न बाँकी नै छ ।

मन्त्रालयले सार्वजनिक गरेको सूचीअनुसार सातौँ तहका ३ सय २ र आठौँ तहका ८ सय २१ कर्मचारी समायोजनमा परेका छन् । त्यसैगरी, नवौँ र १०औँ तहका गरी जम्मा ४ सय ९१ कर्मचारीलाई प्रदेशमा खटाइएको छ । मंगलबार बेलुकासम्म अन्य तहको पनि सूची सार्वजनिक गर्ने तयारीमा मन्त्रालय छ ।

आठौँ तह

नवौँ/दशौँ तह

 



Leave a Reply

Your email address will not be published. Required fields are marked *