प्रधानमन्त्रीको ज्वरो घट्यो

हेल्थपोस्ट नेपाल

केही दिनदेखि अस्वस्थ प्रधानमन्त्री केपी ओलीको स्वास्थ्यमा सुधार आएको छ । प्रधानमन्त्रीका प्रेस सल्लाहकार कुन्दन अर्यालले आजै विज्ञाप्तिमार्फत मौसमी रुघाखोकी र हल्का ज्वरोबाट अस्वस्थ भएका प्रधानमन्त्रीको स्वास्थ्यमा क्रमिक सुधार आएको जनाएका छन् । यद्यपि सार्वजनिक कार्यक्रममा भने स्वास्थ्यमा पूर्ण सुधारपछि मात्रै सहभागी हुने विज्ञप्तिमा उल्लेख छ ।

उनले अस्वस्थताका कारण २ दिनदेखि नियमित भेटघाट तथा बैठकबाट टाढा रहेर निवासमै आराम गरिरहेको समेत जनाएका छन् । अर्यालका अनुसार पछिल्लो समयमा ज्वरो नियन्त्रणमा आई स्वास्थ्यमा क्रमिक सुधार आएको भन्दै शुक्रबार स्थगित भएको मन्त्रिपरिषद् बैठक आइतबार तीन बजे बालुवाटारमा बस्दै छ । संभवत आजै बस्ने मन्त्रिपरिषद् बैठकले नयाँ स्वास्थ्य सचिवको टुंगो लगाउनेछ । यसअघि सरकारले स्वास्थ्य सचिव डा.पुष्पा चौधरीलाई प्रधानमन्त्री कार्यालयको अतिरिक्त समूहमा सरुवा गरेको थियो ।



Leave a Reply

Your email address will not be published.